Aizawl | March 26, 2019: Assam MP Pu Raman Deka leh BJP Mizoram hruaitute chuan MBJP president rof JV Hluna kaihhruaina hnuaiah Lok Sabha inthlan lo un tur chungchangah vawiin khan BJP Office Upper Republic-ah an inkawm.
Pu Raman Deka chuan Mizoram, ram nuam leh boruak thiang tak siamtu kut chhuak mawi tak State dang tam tak ten kan neih loh air condition ang maia boruak nuam tak hnuaia kan awm hi Mizo mipuite in vannei hle a ni a ti.
Pu Raman Deka chuan Lok Sabha MP inthlan lo awm turah Central-ah chuan BJP nasa takin a thang zel a, sorkarna kan siam leh dawn avangin, Mizoram-ah pawh MP inthlan kan neih hunah BJP Candidate ngei lo Vote tur in ka sawm duh che u a ni. Mizoram hian Union Minister neih theihna hun tha hi bawlh pelh lo ila, BJP MP kan neih phawt chuan Union Minister a nih tur thu ka sawi nawn duh a ni.
Central-ah Congress-in kum 50 dawn min kaihruai tawh a, BJP erawh chuan Kum 5 vel zen zawn chauh sorkarna kan chelh thung. Nimahsela Congress kum 50 aiin BJP kum 5 kan sorkar chhunga kan hnathawh hi a nasain a ropui zawk tih hi India mipuite hian kan hre theuh awm e. Chuvangin thudik lo chi hrang hrang hmanga BJP beih kan nih fona chhan pawh hi beihna tur dang min hriat loh vang mai a ni.
Chuvangin Mizo mipui ten Mizoram hmasawnna tur atan leh Central-a MP pawimawh tak Mizoram atanga kan neih ngeina turin, in vote hlutak hmanga BJP Candidate Pu Nirupam Chakma hi lo Vote theuh turin ka ngen che u a ni, a ti bawk.
He hunah hian Pu C.Roliana'n tawngtaina a nei a, Pu Vanlalhmuaka GS i/c Org in report pe in, Pu R.Vanramchhuanga, Secretary i/c Adm in lawmthu sawina hun a hmang bawk.
Post a Comment
He post chungchanga i ngaihdan lo sawi ve rawh: