FEATURE | Miss Mizoram 2017 Finalist K Lalhimpuii

Miss Mizoram 2017 Finalist zinga mi mit la tak mai Puipuii tia hriat lar Judith K Lalhimpuii hi Pi Laldingi leh K Lalnunpuia te fa pali zinga upa ber niin May 9 1998 khan a lo piang.

Tunah hian Ratu, Mizoram ah cheng mekin, Zirna lamah 12 zovin, AM Hotel Management and Consultancy ah Airlines 6 months course a zo tawh a ni.

Hobby-Badminton khelh, Lam, Zai leh Hla ngaihthlak

Miss Mizoram 2017 a tel chhan:

~ Miss Mizoram 2017 a ka tel chhan chu mahni intawkna ka neih belh theih nan leh model leh pageant hi ka tuina a nih avang in.

Miss Mizoram 2017 a thlen chin?

~ Miss Mizoram contest 2017 ah khan Finalist 16 zingah ka tling pha ve a,ka beisei phak piah lam a ni a. Thleng sang ka inti hle bawk a ni.

Miss Mizoram in i nuna nghawng a neih?

~ Miss Mizoram kha tawn hriat engmah neilovin ka tel mawl ve tawp mai a,engkim mai kha ka tan thil thar vek a ni a amaherawhchu theih tawp ka chhuahna khan inrintawkna nasa tak min pe a,la naupang ve tak,school kal lai kha ka ni a,Miss Mizoram a ka tel atang khan ka puitling ve sâwt hle a, kawng engkimah hma ka sawn phah hle bawk a ni.

Lehkhabu duh: Desert Flower

Actor/Actress: Johnny Depp,Megan fox

Zaithiam- Vanlalsailova leh Jerry Lalrinawma

Chawhmeh: -Vawksa leh alu

Hla- Thinlung a thlir zawk thin(Vanlalsailova)

Hmun: Reiek tlang

Ziaktu: Dr.Hrekima

Rawng- A dum (Black)

Relationship status - Single

Kawppui atana duh zawng-

~ Pathian tih mi,tawng tam lo, Pa tak, inringtawk emem leh Mahni thutiam a ding mi, ka tuina leh duhdan zahthiam a min phurpui thiam tur mi Puitling tak.

Thalaipuite tana thuchah:

Tunlai thalaite hian Changkanna kan teh dan hi a dikhleh deuh in ka hria, mahni kea din a, Mahni thawhchhuah mil a inchei hi tlem te chauh kan la awm a...a tam zawk hi chu zirlai khawi college velah maw Nu leh Pa thawhchhuah a incheina ti sang em em. khawsak harsa zawkte hmuhhniam mai ching an awm nawk, hei hian thingtlang lam leh khawsak harsa zawkte thinlungah dik lo taka inlak len ve duhnate a pian tir a, hei hi tha lo ka ti hle a,depression te pawh hi a hluar phah a ni pakhatah chuan,chuvangin Incheina kan dah lian lutuk leh changkanna ber a kan ngaihna rilru hi paih bo a tha hle mai. Aia upate zah hi pawimawh ka ti a, hei hi tunlai thalai ten kan mamawh kan tlakchham lian tak a ni.Tin, Mahni ram, khua theuh hi kan hmangaih hle tur a ni. Thingtlang nula kha Zawlkhawpuiah thian changkang tak tak te neiin nuam sa takin a leng vel a mahsela a pianna khaw te reuh te ngaineptu a nih chuan mi zahawm, mi changkang tak a ni ngai lovang. Chuvang chuan Kan lanchhuah dan, kan incheina chu engpawh ni rawh se. Kan thinlung hi changkang sela, Kan ram pawn hma a sawn mawh tawh lo ang.

EXPLOREMIZORAM.COM hmuh dan?

- Explore Mizoram hi Thalaite hian Mizoram kan ram hi eng dinhmunah nge a din tih min hriattirtu a niin ka hria a, tin, hriatzauna hnar tha tak a ni a. Thalaite fuih phurtu atan a ṭha hlein ka hria, Mizote hi kan duai bik lo hle a ni tih a tichiang a, Hei ai nasa hian ṭhang zel sela tih hi ka duhsak a ni.