CAB16 A LAPSE TA

Aizawl | February 13, 2019: Parliament Interim Budget, Rajya Sabha Session chu vawin khan a zo ta. Lok Sabha inthlan leh sorkar thar din, May thla hma chu Parliament Session a awm tawh lovang.

Parliament chhunga Opposition Party te, NDA chhunga CAB duhlo Party te puihna, NE mipuiten kan duhloh em avangin CAB chu Rajya Sabha chhungah putluh lovin a liam " Lapse " dawn ta a ni.

Lok Sabha a Pass tawh  Rajya Sabha a Pass theihloh a nih vangin, Lok Sabha term tharah Pass thar leh a ngai dawn a, chumi hnu chauhah Upper House - Rajya Sabha chhungah putluh theih a ni ang. Sawitawh angin Muslim hmeichhe Bill, Tripple Taqlag pawh hetiang dinhmun tho niin a Lapse bawk.

Rajya Sabha session chu tiam chin awm lova tih tawp anih takin avangin Citizenship Amendment Bill leh Triple Talaq Bill Lok Sabha (lower house) in a lo pass ve ve tawh, Rajya Sabha (upper house) lamin a la pass ve loh chu a lapse ta.

Khing Bill pahnih te khi dan puitling (Act) ni tur chuan Rajya Sabha lamin a pass hnuah President of India pawmpui a ngai a, mahse, Rajya Sabha lamin kumin budget session chhunga a pass ve hman tak loh avangin a a tir atanga bul tan a ngai leh dawn ta nia sawi a ni bawk.

Khing Bill pahnih te khi a lapse theihna chhan tur chu kan hma lawk khian Lok Sabha inthlanpui kan hmachhawn tawh dawn a, Lok Sabha hi dissolve anih hnu a, house a member thlan thar ten Lok Sabha an dinthar leh hunah chuan term hmasa lama Bill an lo pass tawh, Rajya Sabha in a pawm hman tak siloh kha a chhawm nung thei lo a, chuvangin Lok Sabha hian a pawm that leh a ngai dawn a ni.

Chuvangin Citizenship Amendment Bill leh Triple Talaq Bill chu awlsam tea lo piang thut tur niin a lang rih lo.