Aizawl | February 14, 2019: Mizo mipui mai ni lovin North East mipuiin kan duh loh em em, Citizenship Amendment Bill 2016 passed lova Rajya Sabha ṭhutkhawm tiam chin awm lova tihtawp a ni ta hi MNF chuan lawmawm an tih thu an thuchhuah ah an tarlang.
He Bill passed a nih lohna tur hian Kohhran hote nasa takin kan ṭawngṭai a, Joint NGO-in theih tawpin hma a la a, North East Student's Organisation (NESO) pawhin theih tawp a chhuah a. Pu Zoramthanga, Chief Minister pawhin Prime Minister leh Home Minister-te hnenah na takin he Bill a duh lohna hi a thlen a. Council of Ministers pawhin ṭum hnih lai Citizenship Amendment Bill 2016 duh lohna a passed nghe nghe a ni.
NGO Co-ordination Committee hruaitute'n party inbeih nana hmang lo tura party-te an ngen lawm lawm chunga, party dang beia hamthatnana hman tum ngar ngartute'n an tihbuai zawh loh mipui inthurual tlatte chungah pawh MNF chuan thuchhuah siamin lawmthu an sawi a.
Mizo mipuite kan ṭanrualna leh North East ang a thukhat vuaa kan ṭan tlanna leh kan ṭawngṭaina Pathianin mal a sawm a, hnehna kan chang taah MNF chuan an ngai a. Pathian leh Zoram mipuite ṭanrualnaah thinlung takin lawmthu a sawi a ni.
Post a Comment
He post chungchanga i ngaihdan lo sawi ve rawh: