Aizawl | January 16, 2019: Vawiin khan Mizoram Tourism Minister Robert Romawia Royte (RRR) chuan Union Tourism Minister CK Alphons chu New Delhi -ah a kawm.
Union Minister chuan Tourism Ministry sum hmanga Mizorama hma lak mek chungchang lo sawiin hna a muan avanga sum thar sanction harsat theih dante alo hrilh a. Ministry in a Record dan ziakin a lo pe bawk.
Mizoram Tourism Minister chuan Zoramah Sorkar thar a piang tawh a, tourism chu Sorkar thar ngaihpawimawh te zinga mi anih avangin theihtawp an chhuah tan thu leh Tourism Ministry lam mit tlun tawklohna lo awm thin tepawh siamthat chhoh mek anih thu a hrilh a.Mizoram hmakhua chu thui tak Tourism hlawhtlin leh tlin lohah a innghah tlat avang leh Zoram Sorkar thar chu hmala thar ve chauh an nih avangin January 14, 2019 a Union Tourism Secy kuta DPRs thar 2 a submit chu sanction hram turin a ngen a,ama duhdana Sports leh Music chu Tourism kutke pawimawha siam a tum tur thu Sports & Youth Affairs Minister ni bawk RRR chuan Union Minister a hrilh a ni.
Minister chuan Union Minister hnenah chuan Mizoram Tourism Deptt in rampawn tanpuina (Externally Aided Project) an mamawh avangin chumi dil hlawhtling tura inhmakhawsuihna atan suma tanpuina an mamawh thu Alphons a chu a hrilh a,Proposal a hnena submit turin Union Minister chuan Royte chu a chah nghal bawk.
Tourism Minister hian CK Alphons chu Mizorama zin tur leh Tourism Projects thenkhat hawng turin a sawm nghal bawk a ni.Minister hi Pu Biakthanmawia Tourism Director-in a tawiawm a ni.
Post a Comment
He post chungchanga i ngaihdan lo sawi ve rawh: