MIZORAM BJP OFFICE KUM 2019 ATANA HAWNNA HUN HMANG

Aizawl | January 21, 2019:  BJP Mizoram Pradesh Office hawnna hun BJP Office Upper Republic ah hman a ni. He hun hi Pu R. Vanramchhuanga State Secretary in kaihruaiin, Prof JV Hluna State BJP President leh Pu Vanlalhmuaka GS I/C (Org) ten thusawina hun an nei a, Pu PP Thawla Ex MLA in hunserh hmangin Pathian hnena inhlanna hun a nei a ni.

Pu Vanlalhmuaka GS I/C (Org) chuan Mizoram ah MP Election lo awm tur ah BJP in Candidate kan neih ngei tur thu a puang a, National Convention January ni 11-12 inkar a neihna report a pe bawk.

Prof JV Hluna State President chuan thu sawiin, BJP in Party Office hawnna hun kan neih har chhan te sawifiahin  National Convention kan neih vang a nih thu a sawi a, BJP Member Mizoram hmun hrang hrang a mi te Kumthar chibai bukin duhsakna a hlan bawk a ni.

Prof JV Hluna chuan MLA inthlan kan neih taka MLA kan neih tlemchhan chu Congress President tactic chhemi vang a nih thu a sawi a, inthlanhma a BJP boruak lian lutuk an hlauh vangin mipui thinlung inhawng, hmasawnna tak tak duh vanga BJP zawm tute thinlung lak penna a ngaihtuah ta a, chu chu kan chhiat phah ta a ni. Chutihrualin Congress ngei pawhin mahni hmasial taka an hmalakna  chu an mahni ngei pawhin an chhiatpui thu sawiin, Kum 10 lai Sorkar leh hnathawk tha inti tak Sorkar chuan MLA pa 4 chiah an neih phah ve ta tho a ni a ti.

Prof JV Hluna chuan Citizenship Ammendment Bill chungchang ah pawh NGO hrang hrang te, kohhran hrang hrangte duhdan hi Mizoram BJP chuan kan do lo mai nilo in Mizo kan nih angin kan thlawp em em a, BJP Mizoram chuan Prime Minister hnenah pawh ziak a kan thlen tawh thu leh chu mi kan thlen ang thu tho chu tun a kan dinna a la ni reng a, CAB chu Mizoram tan athat loh thu leh Special Category a NE bik chu dah kan ngaih thu kan thlen tawh a ni a ti bawk.