LEM ZIAK INTIHZIAK BUATSAIH

Aizawl | January 22, 2019: Tun kar kalta ni 19 January, 2019 (Inrinni) khan INTACH Mizoram Chapter leh Directorate of School  Education tang dun chuan kum danga an tih thin angin, rampum huapa school naupangte (pawl 6 – 9) lem ziak intihsiakna INTACH Hqrs Delhi in an ruahman chu Aizawl ah an buatsaih a. Tun tuma an competition thupui chu ‘ My Water Heritage’ ani a. He intihsiakna ah hian school 6 atangin naupang 40 an tel a. An result chu Delhi a endik ani ang.  He hun hi Pu P. Rohmingthanga, Convener in a kaihruai a. Ms Janet Remtluangpuii, Co-ordinator, Education   Directorate in Competition kal phung a sawi a.

Pu Rin Sanga, Co- Convener chuan mihring leh thil nung zawng zawng tan a tui thianghlim tam tawk mamawh leh  pawimawh ziate, mihring kan pun zel avanga kan tui mamawh zat a pun zel thute, chutih laia kan tui tlan thinte chu punlam aia kiam lam an pan mek thu te, chuvanga kan tui neihchhunte chu kan humhalha kan tihbawlhhlawh loh te pawimawh zia naupang te a hrilh a. Chitelui, hmanlai a lui mawi, nuam leh thianghlim tak thin lo bawlhhlawh ta em em Clean Chitelui  Campaign hmalakna a an then fai tak thute sawiin naupangte fuihna thu tha tak tak a sawi bawk.

          Kum kalta September thla pawh khan INTACH Mizoram Chapter leh Directorate of School Education chuan India ram pumpui School naupang intihsiakna an lo buatsaih tawh a. he competition-a an subject chu ‘Heritage Quiz 2018’ niin Mount  Carmel School chuan Delhi a India ram pumpui inelna ah  Mizoram ai an awh a.  Zonal Winner Trophy an rawn hawn. INTACH pawl chuan he School leh an naupang Ms Vanlalhriati Hnamte leh Ms C.Lalrinsangi, kum hluia Pawl 9 ve ve te hi an lawmpui tak zet a ni.