HNAM AH I CHIANG ANG U!

                 

                   - Vidpuia Hrahsel

India Hmarchhak tawp a awm Mizoram India Map atanga uai thla tep kan ram zim te ah hian Korea Festival kan hmang ta mai hi a van zahthlak ta ve le? Mizo hnahthlak ten KOREA FESTIVAL  Kan hmang ta mai hi thil tul ber ber ani angem?

 

Hriam tawkin, tlang rawtin ka sawi dawn, a hua hua chuan haw mai rawh u.. tunhnai ah tu te huaihawtin nge korean festival hmang che u a, he thil buatsaih tu hi mizo hnamchhantu te, CYMA, MZP, SORKAR, KOHHRAN LEH PAWL HRANG HRANG ETC.. angin do nasat hle ava ngai em! Korean kan ni lo, korean ngaihsan luat a vangin a festival hian hman in rawt ta a, in lo hmang ta maw...!

 Korean festival hmang ho te kha hnamte, ralte, sailo, chhangte, tlau etc... kalkhawm in ni love'm ni...?? Korean ah in leh in va chak hlawm awm ve mawle... Pathian in hnam a pe che u a, sakhua a pe bawk che u a, in chenna turin tuna in chenna hi a pe bawk che u a, chu chu in duhkhawp ta lo em ni...? Anih chuan Korea ram ah chho vek ula, korea Citizenship han dil ta che u.. Hei chu mizoram, kan ram, kan pi leh pu te kaltlanga Pathian min pek a ni e.... Haw suh, i thiam loh a ni, rawnsawi mawi tum suh, korean i ni lo....

Mizoram ah Cable Tv a lo chhuah atangin Serial Film kan en chho tan a, putar leh pitar, thalai, nu leh pa, naupang, thlengin mahni in ah Kan duh duh kan hmetchhuak thei ta! Heng kan thil en atang hian kan ngaihsan zawng te kan thil duh zawng te inthlak chiang le! 

Korean kan ngaisang anih pawhin an nun dan te, nu leh pa thu an awihna te, an faina te, an  thianghlim na te kan entawn hi a tha e.

Mahse nang mizo tlangval/mizo nula i hnam ah chiang mawlh teh khai! Mizoram ah i awm a, Tribal i ni tih kha chiang teh khai! Kan ngaihsan zawng te kan ngaihsan luat ah hian a FESTIVAL ang zawng a han hman hi chu a dik lo ani! 

Rock ngainatu ten Rock Festival an hmang thin tih kan hria mahse American Festival emaw London Festival an tih thin kan hrelo! Mizo hnam ah i piang a, Mizo chu chhiatni leh thatni a in lawm tawn hnam kan ni.Tunah Mizoram mipui kan tlem zia hi i hre ve em? Hnam ang zawnga kan tanrual hi a hun tawh takzet.Kan ram dinhmun hi a him lo takzet a, Bill hlauhawm em em  Citizenship Bill 2016  duhlohna lantirna kan neih mek te hi i lo vei ve em? Vei nachang i hre ve em? Korean i vei em em te khan an vei pui dawn lo che!  I ngaihsan  em em te khan Mizo Tlawmngaihna te hi a hriat hian an hre hlawllo! I ngaihsan luat ah khan Mizo Hnam hi ilo zahpui in i mizo nihna kha ilo theihnghilh ange!

Aw thalai mahni nihna kan Mizo na hi chhawm nun zel tlak ani asin ! Kan Mizo na hi lo Korean san lul suh aw!