CAREER AWARENESS CAMPAIGN NEIH A NI

Aizawl | January 25, 2019: MZP Sub-Headquarters Chawngte buatsaihin Career Awareness Campaign a thawhhnihna chu January ni 25, 2019 (10:00 A.M) khan Gov't Kamalanagar Higher Secondary School-ah neih a ni. He hun hi Tv. Gospel Vanlalrinchhana, President MZP Sub-Headquarters Chawngte chuan a kaihruai a, Resource Person atan Pi H. Vanlalveni, Asst.Professor, Gov't Kamalanagar College & Adviser, MZP Sub-Headquarters Chawngte leh Pu N. Lalthamuan, Asst.Professor, Gov't Kamalanagar College ten hman an ni. 

             Pi H. Vanlalveni chuan Zirlaite chu College kalphung hrang hrang, Sunject lak dan tur te leh duhthlan tur chi te a sawi a, Compulsory Subject teh Elective Subject a hrilh a, Internal mark lak dan te a hrilh bawk a ni. Pu N. Lalthamuan pawhin College kalphung hrang hrang te hrilh bawkin, Core Subject lak dan te, Best Choice Credit System kalphung te, First Semester-a Compulsory  English Subject chungchang, internal mark chungchang Assignment leh test chungchang te a hrilh bawk a ni. Tin, fuihna thu te sawiin, lehkha zir tha turin a chah bawk a, chuti a nih loh chuan Zirtirtu ai kal te bak an chan phak loh tur thu te a hrilh bawk a ni.

            Pu Lalduhliana, Principal, Gov't Kamalanagar Higher Secondary School pawhin thusawina hun a hmang bawk a ni. Resource Person te thilpek hlanna te neih a ni a, Refreshment te sem a ni a, thlalakhona te neih a nih hnuin, Awareness hun hman chu kan zo a ni.