MZP INTER HIGH SCHOOL QUIZ ZO FEL, ST. PAUL'S HIGHER SECONDARY SCHOOL THIAM BER

Ni 14th December,2018  Zan dar 8:00 khan, Food & Drugs Administration Wing, H&FW Deptt. MZP Inter High School Quiz 2018 Final chu Ignite Studio-ah neih a nia,  He hun hi Pu TJ. Lalnuntluanga, MLA chuan Khuallian niin a hmanpui.  Intihsiakna neih hma hian huntawi hman ani a, he hun hi Tv. Michael Lalramsanga MZP Treasurer chuan a kaihruai a, Pu Lalnunmawia Pautu, General Secretary in report a pe a, Tv. L.Ramdinliana Renthlei leh Khuallian Pu TJ. Lalnuntluanga MLA ten thu an sawi a ni. Quiz-ah hian School 12 an tel a, Final-ah hian St. Paul's Higher Secondary School aiawhin F. Remsangpuia leh Lalduhzuali Sailo te an ni a, Govt. Mizo H/S atangin Francis Muanawma leh Isaac Lalremruata te an ni a. St. Joseph HSS aiawhin Lalrinnungi leh Ruthi Lalngilneii te an ni.

Thusawitu Tv. L.Ramdinliana Renthlei MZP President chuan " Zirlaite chuan Pathian tih chunga zirlai zirin, Nu leh Pa thuawihna nen theihtawp chhuah na nen, kan zirlai tha takin kan zir a ngai a ni. Mizote hi hnam tlemte kan ni a, mahse theihtawp chhuah a kan beih chuan hnamdang tih ang leh hnamdang nih ang hi kan ni ve thei a ni. Zirna lamah pawh kan mithiam hmasa ten taima tak leh tumruk takin lehkha an lo zir thin a, Central Service hrang hrangah an lut thei a ni, tuna zirlaite hian taima tak leh tumruhna nen kan zir chuan kan thei ve a ni tih hi kan hriat a tha, hnamdang pawhin an theih chuan kan thei a ni" a ti.

President chuan " MZP leh YMA te hian ram hi kan vei khawp mai a,kan ram leh hnam tana zirlaite kan pawimawhna hmasa ber chu zirna hi a ni. Zirna atang hian kan ram leh hnam siamthat hi a awl ber a. Lehkha kan zir hian khawi hmunah pawh awm ila kan ram leh hnam hmangaihna kan nei tur a ni a, A ram hmangaihna chang hre lo, a hnam hmangaihna chang hre lo chu eng dinhmun ah pawh ding se ngaihsan a hlawh ngai dawn lo a ni" a ti bawk.

Khuallian Pu TJ.Lalnuntluanga, MLA chuan "MZP-ah hian thangkhat lian lai ram leh hnam tan rawngbawlin ka lo awm thin a, MLA ka nih hnu a Khuallian ka nihna hmasa ber MZP Programme a ni hi ka lawm lehzual a ni. MZP hian ram tan hna tam tak an thawk a, Ram leh hnam tan Issue tha tak tak an la a, nunna chan huam in ke an pen thin a, hei aia pawl Ropui hi a awm thei lovang. Kan ram hian MZP hi a mamawh a an kal zelna turah mipui ten kan tawiawm a tul takzet a ni. Zirlaite tan pawh kawng tam takin hna an thawk a, High School naupang tan Quiz an buatsaih thin a hei vang hian mi tam takin an zirlai tha takin an lo hlawhtlinpui thin, zanin a finalist te pawh hian in zirna in hlawhtlinpui ngeina turin theihtawp chhuah ula, duhsakna ka hlan tak meuh meuh che u a ni"

"MZP hian kuanglo a nei lova, kuanglo a nawr ngailo tih hi ka sawi duh a ni,ram leh hnam tana thil tha ah chuan MZP hian ke a pen zel a ni. Tin, Kan changkanna hian kan hnam leh kan nihna changkan san lo turin in zirtir zel turin ka sawm che u a. Zirnaah hma kan sawn zel theih nan zirlai ten zirna uar ila, eizawnna awlsam leh hlawhtlinna awlsam kan thlan thiam a tul a ni. Zirna hian eizawnna ah min hnuhluh a ngai tho tho a. Hindi/English kan thiamna te hi Ram leh hnam tan hnathawh nan zirlai ten kan hman a tul a ni" a ti bawk.

MZP Inter High School-ah hian Pakhatna: St.Paul's Higher Secondary, niin lawmman Rs.30000 (singthum) Trophy, Citation an dawng a. Pahnihna: Govt.Mizo High School niin lawmman Rs. 20000 (singhnih), Trophy leh Citation an dawng a. Pathumna: St.Joseph Higher Secondary School niin lawmman Rs.10000 (singkhat), Trophy leh Citation an dawng a ni. MZP Inter High School Quiz-ah hian F. Remsangpuia St.Paul's HSS chu best Quizer a ni.