MZI THINGDAWL IN CHAIRTY CONCERT BUATSAIH; CHHUNGKAW 16 TANPUINA HLAN ,

Thingdawl | December 23, 2018: Vawiin tlai khan Mizo Zaimi Inzawmkhawm (MZI) Thingdawl chuan krismas pual tanpuina chhungkaw harsa 16 hnenah an hlan.

MZI Thingdawl hian December 22 zan khan Thingdawl Chhimveng YMA bulah mi harsate pual hian Charity Concert an buatsaih a. He Charity Concert ah hian tanpuina khawn niin heta tlingkhawmte hi MZI chuan chhungkaw harsate hnenah a sem chhuak ta a ni. Thudawnna in a sawi danin tanpuina hi cheng 20000 chuang a tlingkhawm a ni.

He concert hi Tuirial bialtu MLA Andrew H Lalthangliana'n khuallian niin a hmanpui a, ṭanpuina a hlan nghal bawk a, Bialtu MLA hi a nupui leh mi ṭhenkhatin an ṭawiawm bawk.

Zaithiam Hard Ray zaipu Manuna bakah Tualchhung zaimi tam tak an zai bawk a ni.



Thingdawlah hian mi harsate pualin 2013 aṭang kum tin Krismas dawnah mi harsate pualin Charity Concert hi buatsaih ṭhin niin thu kan dawng a. A tir chuan mi ṭhahnemngai intelkhawmin buatsaihin, a hnuah Thingdawl Youth Organisation in buatsaih lehin chumi hnu chuan MZI hian an kutken ta niin thu kan dawng bawk.