Aizawl | December 15, 2018: Mizoram State Mixed Martial Arts Association (MISMA) chuan Australia aṭangin international coach, fight record ṭha tak nei BJJ Black belt Lachlan Conway a chah chhuak a, MISMA headquarters gym SPES Martial Arts gym-ah ni thum chhung December ni 10 aṭanga ni 12 chhung seminar neih a nih hnuah December ni 13 khan Thenzawla Police Training School-ah MISMA technical chairman Samuel Lalrozama leh Coach Lachlan hian police-te hnenah self defense seminar an pe leh.
Seminar Closing ceremony hi MISMA Sr. VP pu Lalnunpuia'n a kaihruaiin chief guest pu C. Dothanga (IPS Retd.)-in a hmanpui a, fuihna thu ṭha tak a sawi. District 5 aṭangin an tel. He event hi SPES gym sponsor a ni a, MMA nena inthlun zawm tlat BJJ (Brazilian Jiu-Jitsu)-ah grading exam neih nghal a ni. Coach Lachlan chuan Mizoram chu India ram kilkhawr berah awmah se hruaitu ṭha leh coach ṭha neih vangin India rama a ṭha ber an nih theih thu a sawi a, a kal kualna aṭanga enin Mizote chu thiam pawl an nih thu a sawi. MISMA technical chairman Samuela chuan hetiang international seminar hi kum tin huaihawt an tum thu leh nakkumah chuan monthly club fights tv show ang chi huaihawt an tum thu a sawi bawk.
Post a Comment
He post chungchanga i ngaihdan lo sawi ve rawh: