LALRUATKIMA -



AIZAWL WEST II bialtu MLA leh Rural developement, I&PR minister  Pu Ruatkima hi 1972 khan Mamit-ah apiang a, thiamna lamah BA (Hons) a ni a, Infiammi a ni. 

Mizoram aiawhin Football a khel tawh thin. Kum 1997-99 khan MZP President niin, Central YMA-ah Finance Secretary, Asst Secretary leh General Secretary a ni tawh a, Aizawl District Football Association-ah President hmasa ber a ni bawk. 

Kum 2013 inthlan khan Aizawl West II bial atangin MNF ticket-in thlantlin a ni a. Mi thil chik leh inzir peih tak niin House-ah a che tha thin hle. 2018 Varsity Platform-ah khan MZU zirlaite'n 'Best Legislator' atan an thlang. 

Kanan Vengah khawsain fanu 5 a nei a, an chhungkua eizawnna chu sumdawn a ni. 

Lalruatkima hi Zofate insuihkhawmlehna lam tuipuitu a ni a, hemi chungchangah hian UN Permanent Forum on indigenous People-ah Geneva-ah leh America-a UN office-ah a kal tawh bawk. Pu Ruatkima hi Kohhran bel tlat mi a ni a, kum 31 chhung tehmeuh Puitling Sunday Sikul zirtirtu a ni tawh a ni.

Post a Comment

He post chungchanga i ngaihdan lo sawi ve rawh:

Previous Post Next Post