KHUAI IN ZÛK HLUM

Aizawl | December 17, 2018: Jampui tlang dung a khaw pakhat Behliangchhip khua ah nimin chawhnu lam khan khuai in Pu Lalfaka ZDO officer chu khuai zuk vangin a thi niin thudawn a ni.

Pu Lalfaka hi a hlawhfa te nen an huan vat a kal an ni a, a hlawhfa zing a mi pakhat pawh hi khuai hian chawhma lam ah a bawm a, a in ven nan khuai hi lo vai ve in amah leh amah hi a in ti palh nghe nghe a, a kut ah a chem ken chuan a in vai palh a, a thisen chhuak a tawp mai theihloh avangin an haw tir a ni.

Chaw te fâk in chawhnu lam an bung ṭan chauh tih ah chuan khuai hian an hnathawk chu rawn bawh leh in an tlanchhia a, amah Pu Lalfaka hi a sir lamah a tlanchhia a, khuai hian an bawm nasat avangin an huan ri a hnathawk a awm ve Pu Thangvula chu âu in min lo chhan rawh tiin a han au a, Pu Thangvula pawh tlan thla nghalin zu chhan mai a tum a, amah Pu Lalfaka hian Meichher nen lo chuan lo kal suh a tih vangin meichher te siamin zu chhan a tum a.

Hetia a nunna a chan hma hian Pu Thangvula hian a sehna hmun aṭang hian a pawt let dawn a, mahse amah Pu Lalfaka hi pa lian tak anih avangin chuti mai a laksawn theih chi ani silo, khuai hian an bâwm nasa bawk nen, harsa tak chung leh an awmna bul vel a changel hnah ro te hâl in Pu Lalfaka chu Pu Thangvula hian a pua a, mahse pen thum vel bak a kalpui theih loh avangin leh an bul vel a mei an hal vel chu khuai hian hlau in an rêm san ta a ni.

Mahse, Pu Lalfaka hi thisen sang nei leh zunthlum nei anih avang leh khuai seh haw tak anih avangin a nunna chhan hman a ni ta lo a ni.

Source: Jampui Tlangdung News