First Aizawl Diocese YCS/YSM Convention

Aizawl | December 16, 2018: DSSB leh Diocese Youth Commission tangrual chuan  December 17-20, 2018 hian Catholic tleirawl (Young Catholic Students) tan FIRST DIOCESE CONVENTION St. Lawrence School, Ramthar-ah a buatsaih dawn a. He hun hmang tur hian diocese chhunga YCS member leh tleirawl kum 13-18 inkarte chu tel vek tura sawm an ni.

Convention ah hian tleirawl leh rawltharten an hmalam huna kohhran leh khawtlang tan an rawngbawlna tur dik tak an hriat theih nan leh chona an hmachhawn theih nan mithiam tak tak sawmin zirtirna leh kaihhruaina (Career Guidance) pek an ni ang.

He hunah hian Resource persons a tan Pu Lalnunmawia Chuaungo, IAS, Pu John Neihlaia, IPS, Pu Joseph Lalchhuana, IPS, Pu Col John Zama, SM, Pu Lalnghinglova (Tetea Hmar), Prof. Margareth Ch Zama, Dr C  Hrekima, Dr Ngurbiakveli (Manguri), Pu Fabian Lalfakawma, Fr. Caleb Laldawngsanga, Fr. Joseph Lalbiakthanga leh Anthony Vanlalrawna te hman an ni ang.