Lunglei | December 20, 2018: Nimin (19.12.2018)
khan Excise & Narcotics Deptt
Lunglei chuan Lunglei khawpui chhunga Home thenkhat ah Krismas thil pek an
hlan.
Excise & Narcotics Deptt Lunglei a thawktute hi
nimin khan an hotupa Asst. Commissioner Pu Lalhmingthanga hova thawk chhuakin
Lunglei Khawpui chhunga Ruihhlo avanga harsatna tawkte enkawlna leh Nau
hnuchham enkawlna in thenkhat, Chhawmdawlna In Melte, Baptist Church Orphan
Home Serkawn, Bethel Center Sazaikawn leh TNT Hrangchalkawn te tlawhin heng
Home a enkawl mekte leh thawktu ten Krismas an hmanna atan Pawisa fai
engemawzat leh thawmhnaw te an pe a ni.
Asst Commissioner Pu Lalhmingthanga chuan Krismas
thilpek an hlan te chu an Deptt in Lucky Tikect an siam atanga an sum hmuh te
bakah Deptt a thawktu ten an remchan ang ang an thawhkhawm atanga an pek a nih
thu sawiin, hetiang hian kumtin Krismas dawn apianga midang te tana an
luanchhuah thin thu a sawi. Home hrang hrang thilpek an hlannaah hian Home a
thawktu ten lo dawngsawngin Excise Deptt Lunglei te midang te tana an inpekna
chu fakawm an tih thu leh lawmawm an tih thu sawiin, chhunzawm thei zel tura an
duhsakna an hlan a ni.
Excise & Narcotics Deptt Lunglei ten Lunglei
Khawpui chhung Home hrang hranga Krismas thil pek an hlan hi a vaiin pawisa fai
Cheng Nuai 1, Sang 2, Zanga leh thawmhnaw thahnem tak te a ni.
- DIPR
Post a Comment
He post chungchanga i ngaihdan lo sawi ve rawh: