MZP IN STUDENT TRAIN CONCESSION FORM LA CHHUAK

Aizawl | November 10, 2018: Mizo Zirlai Pawl (MZP) Sub - Headquarters, Vairengte chuan November 9, 2018 (Zirtawpni) hian NF. Railway Area Manager, Badarpur, Karimganj District hnen atangin Student Train Concession Form (Zirlaite man man zawka Rel an chuan theihna tura dilna) an la chhuak.

Form hi zirlai phai lama zin tur te tana tih a ni a. Zirlai tu pawh, mimala Rêl a zin tur  leh Excursion a kal tum te tan MZP Pisa, Vairente- ah Form hi lâk chhuah theih a ni dawn a, Concession Form hian zinna tur sênso tam tak min phuhruk thei dawn a ni.

Thu kan dawn zel danin, He hunah hian MZP Sub – Headquarters Vairengte te hi an president Israel Lalropuia hovin secretary Chalrokhuma, Asst. Secretary Alex Lalramnghaka, leh Executive committee member Vanlalfaka te an kal a.

An pawl president Israel chuan, Zir;aite hmakhua ngaiin Zirlai harsa zawk ten man tlawm tea zirna hla zawk an pan theihna turin MZP chuan theihtawp a chhuah thin a, an lo beih tawhna a tak a thleng thei chu lawmawm a tih thu a sawi a. “He thil hian Zirlai hmakhua kan ngaihzia a lantir bawkin ka hria,” a ti a.

Concession Form hi Zirna in (Sikul) hminga dil a ngaih avangin, Vairengte Higher Secondary School hminga dil a ni a, a tul leh pawimawh hrang hranga hma lâkpuitu Vairengte Higher Secondary School Principal leh Staff te chungah MZP chuan lawmthu an sawi nghal a ni.