POLITICS HI

—LH Hauheng, Nghilhloh Rûn

[Politics thiam kan ramin a mamawh ber lova, Dikna leh Rinawmna nunpui chunga PATHIAN țihmi te hi kan ram mamawh chu an ni zawk.]


Thu Kamkeuna:
Mipui rorelna ram (democracy) a cheng kan nih tlat avang hian, kan politics khelh dan pawh hi a zalenin, mipui pawimawhna hi a sâng bik hle. Democracy tih hi a Greek tawngin *Demos leh *Cracy* tih atanga lakchhuah a ni a. Demo chu *Mipui* Cracy chu *Rorel* kan khaikhawm chuan *Mipui Rorêlna* tihna  a ni.

Demo' ina a hrinchhuah Cracy ramah chuan, thuneihna chang tura inbeihna, chu thuneihna hmanga mihring mamawhte sem leh ram awp dan ngaihtuahna, rorelna lekkawhna hi a ni ti ila a funkim mah zawk awm e.

*Politics hi:
Inthlang ram tih takah inthlan dawn kum leh englai pawha mihringte nuna bet tel tlat pakhat chu, *Politics* hi a ni. He thumal hi Greek țawng *Polis* atanga lak chhuah niin, *Polis* tih chu *Khawpui Sawrkar* (city state) tihna a ni thung...

*Politics-a ngaihdan hmasa:
_Politics chungchanga ngaihdan hmasa neitu berte chu, Greek mite an ni a. Anni hi Isua hunlai atang tawh renga mifing tih hming pute kha an ni a. Isua pian hma kum 300-400 vel daih tawh khan Greek Mifing, tawpthang Socrates, Plato leh Aristotle te'n Politics chungchang hi nasa fe in an lo khel tawh nghe nghe a ni._

Political Science subject chingchhuaktu hiala ngaih *Aristotle* chuan *"Science subject zawng zawng zinga subject chungnung ber, mihring thatna tluantling dapchhuahna kawng pawimawh ber a ni"* a lo tih phah hial reng a.


Politics intan dan:
Politics intanna hi a rei tawh hle mai a, a hun chiah erawh hriat a ni lo. Mihringin rorelna leh sawrkar-te kan lo neih atanga ințanin, Greece ram Politics chungchang Plato leh Aristotle te ziak chu Politics lam ziaka kan neih hmasak ber a ni mai awm e. Greece (Greek-ho ram) atangin Politics mumal tak a lo intan chu *ROME LALRAMAH* a darh a, chuta tangin England-ah tichuan zawi zawiin khawvelah a lo darh ta a ni.


Kan tunlaiah:
_Kan tunlai khawvelah Politics hi a thangchhe zawnga la pawl te pawh an kat nuk hlawm bawk a,  *bumna hmanga rorelna* hialah an chhuah ta, hei hi a pawi hle.

Dik leh fel, rinawm taka politics kalpuinaah chuan ramin hma a sawn a, mipuiten kawng dik an zawh a, hmasawn theihna tura hleih bik nei lova rorelna hi a ni zawk.

*Tihian kawng hnih:
1. *Political:* Political chu Politics adjective, Politics lam thil rawngkai emaw, kaihhnawih emaw tihna a ni.

2. *Politician*: Eizawn nan taka Politics khel emaw hnapui bera politics neite hi Politician tih an ni. A chhuan chhe zawnga sawi thinte chuan mi verther takte hi Politician an ti bawk a ni. Tin, Politics lama tuimi emaw Politics a inhmang tupawh Politician tih theih an ni bawk.

*2018:*
_Kan ram mamawh chhanna kim leh damna chu, Pathian țih mi tena ro an relna hi a ni a. Pathian hre tu ni mai lova, Pathian mihriat nihna nen zawka Ram Rawngbawl a hun ta hle mai. Kohhran mi tak ni chunga Ram tana roreltu țha kan thlanchhuah a hun ta._

Nangmaha zahawmnate, dikna leh rinawmnate kha *Sum Tlemte-ah* hralh suh, a tlo lo, a hlu lo, a hrisel lo bawk!

Kan ram mamawh nia ka hriat ve pakhat chu, lehkhathiam ni chunga mithiam, a ngaihna hria, Pathian hre chung renga a nihna leh a hnama chiang, țhangtharte hmalam hun tur thui tak min kawhhmuh theitu tur hi a ni. Chutiang mi chu *Kan ram mamawh te an ni* si a.

Tihian ka ngaihtuah fo va,
*Kan politician tena inthlan dawn hnaiha mahni thiltihțhat sawi kan la chin viau chhung chuan, Kan ram hmangaihna duh dan hi a la der dep deuh a ni ngei ang le'* tiin....


_(Sawi tur a tam Politics lam han sawi chuan, tihian duhtawk dawn ila, a țha ang e.)_

I VOTE khatin "Ram i Siam Tha thei a. I Vote khatin Ram i tichhe vek thei tih hre reng chungin VOTE thlak ang che."