MZP In Appointed secretary 10 ruat

Aizawl | November 1, 2018: Vawiin ni 1 November 2018 (Ningani) chhun dar 12:00 khan MZP Conference Hall-ah MZP Executive neih a ni a, he hun hi Tv L.Ramdinliana Renthlei MZP President-in a kaihruai a, he hunah hian MZP Assembly Saitual a neih zawh tak  leh Zirlaite Ni  thlirletnna hun hman a ni a, Pawl hmalakna hrang hrangte thlir letin meeting chuan tha a tiin hlawk thlak a ti hle a ni. Meetingah hian Appointed Secretary ruat tharna neih a ni a ni bawk a ni.

Meeting chuan Zirlaite hnenah Career Awareness Campaign neih mek chu thlirletin Career Awareness Campaign neih tawhna chu tha a ti a, zirlaiten an hlawkpui hleah a ngai a, Hemi hmalakna kal zelah hian Career awareness campaign neih chhumzawm zel ni se, hun remchangah school hrang hrangah neih chhumzawm tur ni ang. 

  MZP meeting chuan kan hma lawka MLA Inthlanpui lo awm turah hian, kan ram tan a tha tur leh hma chhawp hrang hrang te sawipui turin Political Party hrang hrang te kawm nise a ti a, heng point hrang hrang te hi sawipui ni se a ti.

1. Ramri chungchang.

2. Education chungchang.

3. Chakma Foreigner chungchang.

4. Lok Ayukta chungchang.

Meeting chuan heng a hnuaia mite hi kum 2018 October -2019 October chhunga MZP General Headquarters Appointed Secretary atan a ruat thar bawk a ni.

1. Lalruatfela I/c Organisation

2. Rothanliana I/c Publicity

3. Jacob Lalmuanpuia I/c Information

4. Sanghmingthanga I/c Sports

5. PC. Lalruatsanga I/c Property

6. PC. Lalrinawma I/c Higher Education

7. Ricky Lalchhandama I/c Establishment

8. Laltanpuii I/c Social & Culture

9. VL. Muansanga I/c School Education

10. K. Lalnunhlima I/c External Affairs