Kawnpui | November 7, 2018: Vawiin Ni 7.11.2018 chawhnu lam khan Awithangpa Group YMA huaihawtin Kawnpui khuaa NGO hrang hrang; Joint YMA Kawnpui Town, Joint MHIP Kawnpui Town, Area MUP, MZP Sub.Hqrs Kawnpui te chuan Nizan (6.11.2018) a Kolasib a Bru Refujee Tripura a awm mekte Mizoram Roll a thun duhlohna lan tirna a harsatna thlenga hliam tuar Pu Lalțhafamkima, Ist IR Bn. Commandant chu a chenna Quarter, Mualvum ah an tlawh. He tlawhna ah hian hun tawi te functin ang deuhin formal deuha hman a ni a. he hun hi Pu H. Lalmuanpuia, President Awithangpa Group YMA chuan kaihruaiin NGO hruaitu te thil tih dan leh tih chhan te a sawifiah a.
Chumi hnuin NGO hrang hrang aiawha thusawina hawn a ni a. Awithangpa Group YMA aiawhin Pu Rochuhthanga, Vice President. Awithangpa Group YMA, Pu R. Lalzawmliana, President Joint YMA Kawnpui, Pu R. Zasangliana, President Area MUP ten thu an sawi a. Thusawitute hian Pu Lalțhafamkima chu Kolasib a buaina chinfel kawngah Mizo hnam rilru pu tak chunga huaisen taka buaina chinfel kawngah a thawh avanga fakna thu te, hliam atawrh avanga pawi an tih thu leh mipui aiawha ngaihdam an dil thu te, tha leh thuai tura duhsakna an hlan thu te an sawi tlangpui a ni.
He hun ah hian Pu Țhakima, CO pawhin thu sawiin NGO leh mipui ten a phu loh a an chawimawi chu lawmawm a tih thu leh a lung a chhiat hial thu a sawi a. Hun lo kal zel turah pawh NGO te nena hnai taka in si a hna thawh ho zel a duh thu te a sawi a ni.
He hunah hian NGO ten an thawhkhawm a kanna sum chu NGO kalkhawmte aiawhin Pu R.Zasangliana, President Area MUP Kawnpui chuan a hlan a ni.
Post a Comment
He post chungchanga i ngaihdan lo sawi ve rawh: