HIPHEI IN SPEAKER, MLA LEH PARTY AṬANGA BANNA THEHLUT

Aizawl | November 5, 2018: Assembly Speaker Hiphei chuan Dy. Speaker R Lalrinawmna hnenah vawiin November 5, dar 10:20 khan banna a thehlut.

Speaker hi chawhma dar 10:20 khan Dy. Speaker office-ah hian kalin Speaker leh MLA aṭanga banna a thehlut a, Speaker a nih chhungah a thawhpui ṭhat avangin lawmthu a hrilh.

Dy. Speaker R Lalrinawma chuan Speaker banna chu pawm loh theih ni se a duhawm hle niin a hrilh a, "Dinhmun harsa takah i awm a, i banna hi pawm loh theih ni se ka ti hle mai, i hnuaia hnathawh nuam ka ti a, i kal zelna turah duhsakna ka hlan a che," a ti.

Hiphei-in Speaker leh MLA aṭanga banna a thehlut hi Minister hlui pahnih PP Thawlla leh Dr BD Chakma te bakah BJP hruaitute'n an ṭawiawm a ni.

He mi hnu hian Congress Bhavan ah, Congress Party aṭanga banna a thehlut leh nghal a ni.

Pu Hiphei hian BJP zawm a tum a ni.

- exploremizoram.com