Election Commission of India Press Release (Mizo)

Election Commission of India

Nirvachan sadan, Ashoka Road, New Delhi-110001

No.ECI/PN/75/2018 Date:7th November, 2018

PRESS NOTE

Sub: Commission in Mizoram ah thil pawimawh tak ngaihtuah turin High Level team Pu Sudeep Jain Deputy Election Commission kaihhruaina hnuaiah a tir

Election Commission of India chuan Mizoram Assembly Election neih tur chungchanga thu pawimawh te ngaihtuah turin Officer rual team a tir a. ECI Team hian November ni 6, 2018 khan Aizawl ah All NGO Coordination Committee,(Central YMA, Mizoram Senior Citizen Association, Mizoram Women Federation, Mizo Student Association & Mizo Student Union leh Mizoram Church Leaders Committee te telna) aiawh te a hmu a ni. He inhmuhkhawmna hi boruak muanawm tak hnuaiah neih a ni a, NGO Coordination Committee te joint resolution, Pu Vanlalruata, Pu L,Ramdinliana Renthlei, Pu Vanlalliana Khiangte, Pu RK Thanga, Pi Saipui leh Pu Lalhmachhuana te hming ziahna chu ECI hnenah hian November ni 7, 2018 khan thehluh ani ta a ni. 

Commission chuan Mizo ten inthlanna boruak muanawm tak hnuaia an nei thin chu a hriattpui a. Hmanhmawh taka hmalak a ngaih avangin November ni 7, 2018 a inhmuhkhawmna chuan pawl leh lam ve ve te inhrethiam tawn turin an in rem a ni. Commission chuan ngun takin a ngaihtuah a, All NGO, Mizoram te thil phut pawh hi a tlangpuiin a hriathiampui a ni. Hei vang hian November ni 9, 2018 ah ngun leh zuala ngaihtuah turin ECI Team te Aizawl ah tirh an ni ang. He ECI TEam hi Deputy Election Commissioner Pu Sudeep Jain an a kaihhruai anga, All NGO, Mizoram te nen hian an resolution chungchang an sawiho dawn a ni. Team member dangte chu Pu Lalbiakthanga Khiangte, CEO Jharkhand, Pu SB Joshi, Secretary ECI leh Pi Lalzarmawii, Additional CEO Mizoram.

Commission chuan nimin-a Kolasib-a thil thleng chu pawi a ti a. Mizoram chu inthlan muanawm leh thianghlim taka lokal pui thin tawh anihna angin chhawm nung zel se a ti a, inthlan hlawhtling tak remna leh muanna hnuaia a awm theih nan kan zavaia inlungrualtaka thawk ho turin a sawm in a ngen nawn a ni.

Pawan Diwan

Under Secretary

/////////////

Dated Aizawl the 7th November 2018

To, 

The Chief Election Commission 

Election Commission of India

Through: 1) Mr. SB Joshi, Secretary, Election Commission of India

2) Mr. Nikhil Kumar, IAS, Director, Election Commission of India

3) Mr.Lalbiakthanga Khiangte, IAS, CEO, Jharkhand

Subject: Resolution of All NGO, Mizoram

Sir,

All NGO Co-Ordination Committee Central YMA, Mizoram Senior Citizen Association, Mizoram Women Federation, Mizo Student Association leh Mizo Student Union te chuan ngun taka Election Commission of India Team te nen ni 6.11.2018, tlai dar 5:00pm-a an inhmukhawm hnuain a hnuaia tarlan te hi ngaihsak turin a hriattir e.

1. All NGO Co-Ordination Committee, Mizoram chuan Election Commission of India hnena ziaka a lo thlen tawh (Vide No 464/MIZ-HP/2014 (B&R) dated 7th April, 2014) ang khan kan ngen leh a ni "Commission chuan Lok Sabha leh Legislative Assembly Mizoram-a inthlan neih reng reng turah Mizoram chhungah ngei Bru (Reang) voter Tripura a awm te hian vote an thlak tawh anga, hengte hi Mizoram chhunga vote thlak thei list a awm te chauh an ni ang".

Hemi atana inpuahchahna reng reng hi All NGO chuan a thlawp ang.

2) Pu SB Shashank, IAS CEO Mizoram hi Mizoram atanga rang taka sawn tur leh thlak turin kan phut a, Mizoram mipui, Mizoram Government Employee Association, Church Leader, Journalist leh ALL NGO te hian he inthlan November ni 29 2018 a neih tur hi tluang taka a kalpui theih kan ring tawh lo a ni.

Ka lawm e

I rintlak

Vanlalruata

President 

CYMA

L.Ramdinliana Renthlei

President

MZP

Vanlalliana Khiangte

President MSU

RK Thanga

President

Mizoram Senior Citizens Association

Saipuii

President

All Mizoram Women Organisation

Lalhmachuana

General Secretary

Central YMA 

& 

Secretary 

NGO Co-Ordination Committee