ACCIDENT-AH THI

Kolasib | November 21, 2018: Nimin chawhnu dar 3 vel khan Khuangpuilam, Mizofed Godown leh Soil Office inkarah Tipper 407 MZ-01/Q-5442 leh Auto Rickshaw thar an insu a, Rickshaw khalhtu Robert Lalduhawma, Upper Kolasib chuan a lu ah hliam tuarin, Kolasib District Hospital panpui anih hnuah a hliam tuar lovin a thi.

He thilhtlng chungchang hian Kolasib nitin Cahnchinbu ZINGTIAN Editor ZMP Tlau chuan hetiang hian facebook-ah a post,

THUNEITUTEN HMA LA NGEI RAWHSE

Election a motor an hman te hi Emergency Duty an ni tih chu kan hre tlang vek a, Election a duty tura motor hmanah reng reng chuan Emergency Duty an nih thu leh tihkhawtlai thiang lo an nih thu an tar bawk thin a ni. Amaherawhchu election a motor an hman te hi lirthei tlan vel tan pawh a hlauhawm khawp a chak a tlan tura ngaih erawh an ni lo tih hi hriat a ngai hle a, an duty tur tihkhawtlai a remchanglo tihna mai a ni tih pawh lirthei khalhtute’n an hriat a tha hle. Vawiin tlai mai pawh khan Election a duty tur te bungraw phur atana hman lirthei pakhat chuan Khuangpuilam veng, Kolasib-ah Auto Rickshaw a su palh a, Auto Rickshaw khalhtu hi vanduaithlak takin a thi nghe nghe a ni. 

Lirthei an insutna hmuna hmutute chuan Election duty te bungraw phur motor hi wrong side-in Auto a sut lai hian a tlan niin an sawi a, election duty te bungraw phur motor hian a hmaa lirthei tlan chu tlan pelh a tum laiin he vanduaina hi a thleng ta niin an sawi bawk a ni. Hetianga nunna chan an awm hi tum reng vanga thil thleng a nih chu a rinawm loh a, nunna chan an awm erawh hi chu a pawi hle tihbak sawi tur avang hle a ni. Lirthei chetsualna chungchang hi Police lam pawhin ngun taka en in dan angin hma an la turah ngai ila a tha awm e.

 

Engpawhnise, election-in emergency tih an tarsak avang ngawtin Election atana an hman lirthei khalhtute hian hlauhawm tak taka lirthei khalh tur an nilo tih an hriat a tha hle a, chetsualna em a thlen hma tunhnai maiah pawh hian mipui sawisel an tawk hman viau tawh a ni tih hi thuneituten hriain bengkhawn sela a duhawm hle. Election motor mai bakah hian DC Office, tih intar lirthei thenkhat khawchhunga chak tak taka tlan an awm thin ni a sawi a ni a, hei pawh hi DC Office a thuneitute hian enfiah deuh sela a duhawm hle a, hetiang thil a hi a awm tawh loh nan hma pawh la ngei rawhse.