Aizawl | November 18, 2018: 1st Inter District Muaythai Championship 2018 Ramhlun Indoor Stadium-a 15-17 November-a khelh chu inrinni khan zawhfel a ni ta.
He championship ah hian District paruk- Aizawl, Lunglei, Saiha, Serchhip, Kolasib leh Champhai atangin players 154 an tel.
District hrang hrang hnuaia club inelna hmasa ber-ah hian weight category 28 a awm a, fight bakah MuayBoran Demonstration leh Wai Kru hmanga inelna a vawi khat nan buatsaih a ni bawk a, Medal 99 semchhuah a ni a, a pumpuiah Aizawl district an champion. A club angin Dawrpui MuayThai Club chuan gold medal 12 lain team champion an ni a, Falkland MuayThai Club chuan gold medal 7 la-in runner up an ni. Best fighter-ah Joseph Vanlalhruaia, Hunthar (Dawrpui Club) thla a ni a, Best Discipline chu St. Joseph MuayThai Club hnenah hlan a ni
Inter District Muaythai Championship denchhen hian Samuel Lalrozama kaihhruaina hnuaiah Referee & Judge Training leh refresher course bakah Instructor training neih a ni a Ningani khan tel turten hming pelutin inbuk a ni a, medical doctor enfiahna hnuaiah fitness test neih zel a ni a, fit tawk lote tel theih a ni lo.
17.11.18 chhun dar 12:30 ah closing function neih a ni a, khual lian Pi T.Lalmuanpuii, chairman, Mizoram Cooperative Apex Bank chuan Nu leh pate hian an fate game tuipui kan tuipui ve tur a ni... Sual lama a kal lohnan mai ni lo an hlawhtlin theih nan a pawimawh takzet.
Championship kharna inkhawm hi Dr.Johny C.Laldinpuia, Organising chairman chuan a kaihruai a, Gen.Secy. H.Lalmuanpuia chuan kum 2018 chhunga Muaythai Assn of Mizoram achievement report a pe, Abisac Lalhruaitluangi, Organising Secy chuan championship report a pe bawk a, zaithiam zoramchhani"n zaia mipuite awiin category khelh zawh tawh chinte sem zui a ni
Post a Comment
He post chungchanga i ngaihdan lo sawi ve rawh: