Aizawl | october 11, 2018: Vawiin October ni 11, 2018 hi khawvel puma mit khawhmuh fiah lo te leh hetiang lam hawia inzirtirna atana ni bik, "World Sight Day Vawi 19-na" a ni a. He ni denchhen hian National Health Mission hnuaia National Programme for Control of Blindness & Visual Impairment, Mizoram hmalakna in Mizoram Upa Pawl-te nen inzirtirna hun leh a thlawna inentirna hun buatsaih a ni a. Pu RK Thanga, President MUP chuan Khuallian niin hun a hmanpui.
Vawiina World Sight Day pual hun hi State leh District hrang hrangah hman a ni a. State-ah chuan Civil Hospital, Aizawl Conference Hall-ah hman a ni. He hun hi Dr.Lalrozama IAS, Mission Director, NHMin a kaihruai a. Rev.Hmingdailova, Civil Hospital Chaplain-in hunserh a hman zawh hnu-ah Dr.KL Remsanga, Medical Superintendent, CHA chuan kalkhawmte lawmna thu a sawi a. Hemi hnu hian Khuallian Pu RK Thanga, MUP President chuan thusawina hun hmang lehin Dr.Lalremmawii, State Programme Officer (NPCB&VI) hnen atangin kumin thupui 'Eye Care Everywhere' sawihawnna leh mit khawhmuh kawnga harsatna awm thei leh hemi chungchangah zirtirna ngaihthlak a ni bawk.
Vawiina thusawitu Khuallian Pu RK Thanga chuan kalkhawmte hnenah fuihna thu a sawi a. Kum upa lam kan lo nih tawh hnu-ah pawh rilru paukhauh neih a pawimawhzia a, a chang chuan intih naupan a ngaih fo thute a sawi a. Upa te chu hlawk taka World Sight Day hmang theuh turin duhsakna a hlan bawk.
Vawiina World Sight Day function hman zawh hnu hian a thlawna mit entrina neih chhunzawm a ni a. Tarmit mamawhte tan a thlawnin tarmit sem nghal a ni a, an mit mil awm lo te pawh a thlawna chah sak nghal vek an ni dawn bawk. April 2018 atanga August 2019 inkar chhungin NPCB & VI, Mizoram hmalakna record hetiang hi a ni:
Cataract (mit naute paw) Zai tawh 1084
Zirtirtu training pek tawh zat 484
School naupang mit check tawh zat 27478
School Naupang mit thalo hmuh chhuah zat 2672
A thlawna tarmit pek zat 633
Kum upa mit tha lo a thlawna tarmit pek zat 1962
Mit (Cornea) lak tawh zat 44
Mit thlak tawk zat 17 an ni.
Vawiina World Sight Day inkhawm hun tawp hi Chairman Dr,Lalrozama, IAS MD, NHM chuan lawmthu sawiin a khar a ni.
Vawiina thusawitu Khuallian Pu RK Thanga chuan kalkhawmte hnenah fuihna thu a sawi a. Kum upa lam kan lo nih tawh hnu-ah pawh rilru paukhauh neih a pawimawhzia a, a chang chuan intih naupan a ngaih fo thute a sawi a. Upa te chu hlawk taka World Sight Day hmang theuh turin duhsakna a hlan bawk.
Vawiina World Sight Day function hman zawh hnu hian a thlawna mit entrina neih chhunzawm a ni a. Tarmit mamawhte tan a thlawnin tarmit sem nghal a ni a, an mit mil awm lo te pawh a thlawna chah sak nghal vek an ni dawn bawk. April 2018 atanga August 2019 inkar chhungin NPCB & VI, Mizoram hmalakna record hetiang hi a ni:
Cataract (mit naute paw) Zai tawh 1084
Zirtirtu training pek tawh zat 484
School naupang mit check tawh zat 27478
School Naupang mit thalo hmuh chhuah zat 2672
A thlawna tarmit pek zat 633
Kum upa mit tha lo a thlawna tarmit pek zat 1962
Mit (Cornea) lak tawh zat 44
Mit thlak tawk zat 17 an ni.
Vawiina World Sight Day inkhawm hun tawp hi Chairman Dr,Lalrozama, IAS MD, NHM chuan lawmthu sawiin a khar a ni.
Post a Comment
He post chungchanga i ngaihdan lo sawi ve rawh: