Aizawl | October 11, 2018: Vawiin ni 11th October, 2018 khan MZP buatsaihin Govt. KM. Higher Secondary School Dawrpui vengthar-ah Career Awareness Campaign neih a ni a, he hun hi Pu Andrew F. Lalramnghaka finance secretary MZP-in a kaihruai a, Tv. L.Ramdinliana Renthlei, MZP President leh Pu Lalhruaitluanga, Zo-Career Solutions te hnen atangin thusawi ngaihthlak a ni.
He huna thusawitu Tv. L.Ramdinliana Renthlei, MZP President chuan, "Zirlaite hian hlawhtlinna tak tak neih kan duh chuan kan tum ruh a ngai a, taima tak leh tumruhna tak tak nena kan zirlai te kan zir chuan hlawhtlinna kan chang dawn a ni. Taima tak leh tumruh taka in zirlaite zir turin ka chah duh che u a ni. Zirlai kan nih lai chuan Kohhran thalaiah te, YMA ah te inhman dan tawk kan thiam a ngai a, Kohhran thalai te, YMA ah te hian tel loh tur kan tihna a ni lo a, kan zirlai kan fail dawn ai chuan tel loh mai tur a ni. Kan zirlai kan zir zawh huna kan khawtlang chuan min mamawh zawk a ni."a ti a.
Career Awareness Campaign MZP buatsaihah hian Govt. K.M. Higher Secondary School zirlai 650 chuang an tel a, Pu Lalhruaitluanga, Zo Career Solutions hnen atangin Zirlaite mamawh career chungchang zirtirna ngaihthlak a ni a, Career awareness campaign hi Aizawl khawpui chhung school ah te neih chhunzawm leh tur a ni ang.
Post a Comment
He post chungchanga i ngaihdan lo sawi ve rawh: