MZP FALKAWNIN MIMER A HNA LAKAH A KHAW MI DUHSAK PHUT

MIMER

Aizawl | October 1, 2018: Vawiin October 1, khan Mizo Zirlai Pawl Sub-headquarters Falkawn chuan thuchhuah siamin, MIMER a hna lakah an khaw miin an thawh theih tawk leh an tlin tawkah chuana khawm mi duhsak turin thuneitute an ngen, tih an tarlang.

MZP Logo

Mizo Zirlai Pawl Sub-Headquarters Falkawn chuan, an khuaah Mizoram rohlu, Mizoram a Medical College awm chhun; Mizoam Institute of Medical Education and Research (MIMER)  din a ni chu an lawmthu an sawi a. Hetih rual hian he Zoram Zohlu din nana an khaw ram zau tak leh khelhmual neih chhun an lo hlan tawhna chu hriatpui a, hna lak chungchangah an thawh theih tawkah chuan duhsak turin thuneitute an ngen a ni.

(MZP Sub-headquarters Falkawn thuchhuah chu a hnuaiah kan dah e.)

---

PRESS RELEASE

Dated: Falkawn, October 1, 2018

Mizoram hmasawnna ropui tak leh, a hmasaber leh awmchhun ni tura Falkawn khua-ah Medical College;  Mizoam Institute of Medical Education and Research (MIMER) din a ni leh vawin thleng a, hmalakna kalzelah Health Minister zahawm tak in MIMER  Building tur Lungphum a phum leh ta  hi keini MZP Falkawn sub-Hqrs te chuan lawmawm kan ti hle a, State Referral Hospital Falkawn tichangtlung tura hmalakna a kal zel hi lawmawm kan ti hle bawk a ni.

He thil ropui tak a tak a a thlen theihna a tan hian Khawtlang mipui chuan ram zau tak hlanin, khawtlang khelhmual neih chhun chu Mizoram rohlu MIMER dinna a tan hian kan hlan a.

Khawtlang hruaitute leh mipui inpekna te min hriatthiampuia hemi atana hna lak chungchangah Falkawn khaw miin a kan thawh theih tawk leh kan tlinna chinah chuan a khaw neitu kan nih anga min duhsak turin thuneitute kan  ngen a ni.

Issued by: Mizo Zirlai Pawl

Sub-Headquarters, Falkawn