Aizawl | October 8, 2018: October
3-5 chhung awh 3rd Xchange Youth NGO Summit 2018 Berawtlang a
neih chu vawiin khan Valedictory Function hman niin khar a ni ta. Chawhma
session ah hian Gaurav Gogoi, Member of Parliament (INC), Assam leh Ratika
Yumnam, National Youth President, National People's Party (NPP) ten ṭhalai kalkhawm te hun an hman pui a. Politics a thalai te in
hman dan leh politics an hmuh dan te, politics a in hmang tura harsatna
an tawh te an sawi ho a Zawhna leh chhanna hun te hmangin hun
hlimawm tak an hmang a, kal khawm ten hlawk thlak an ti hle a ni.
Chawhnu lamah NGO Exhibition neih zui a ni a, he Exhibition hi Pu Vanlalruata,
President CYMA in a hawng a. Youth Led NGO India hmarchhak state hrang
hrang aṭanga rawn kal khawm ten, an hnathawh mek te
thlalak leh art hrang hrang hmangin an pho chhuak a ni.
Hemi zawh hian Valedictory Function hman a ni a. He hun hi Armstrong Pame, IAS,
Director, Youth Affairs & Sports, Govt of Manipur leh Ashish Kundra, IAS,
Commissioner, GAD, Higher & Technical Education, Govt of Mizoram ten an
hman pui a ni. NGO participants zawng zawng te certificates hlanna neih a ni a,
tin, Best NGO Award NGO lokal pathum te hnena hlan a ni bawk. NGOs aiawh a
lokal ten presentation leh exhibition an neih aṭangin he Best NGO
Award dawngtu te hi thlanchhuah an ni . Award dawngtu te chu, We Care to the
Core, Manipur, Change One Life Foundation, Meghalaya leh Rural Community
Development Agency, Nagaland te an ni.
3rd Xchange North East Youth NGO Summit 2018 CAN Youth Nagaland bul tum niin Full
Life Access Trust (FLAT)/Nuntam Kailawn, Mizoram ten an lo thleng a.
3rd Xchange North East Youth NGO Summit 2018 Aizawl ah hian thalai mahni a
NGO din a enkawl mêk te, social entrepreneurs te leh social work lama tui
thalai te kal khawmin ideas leh experience te in share tawn a, inpuih tawnna
hmun leh hun siam a ni.
Post a Comment
He post chungchanga i ngaihdan lo sawi ve rawh: