Mamit-ah YMA leh Election hotute SIR 2026 chungchangah inkawm

Aizawl | July 27, 2026: Mamitah YMA leh Election hotute SIR 2026 chungchangah an meeting a, vawiin khan SIR 2026 chungchangah Mamit DC Conference Hall-ah neih a ni. Meeting hi Lalnunfela Chawngthu Election Officer chuan a kaihruai a, Election Officer hi Lalchhanhima, ERO, Hachhek leh N Lalzarzova, ERO, Dampa leh Carolyn LB Khiangte, ERO, Mamit ten an tawiawm. Central YMA atangin Prof Malsawmliana, General Secretary leh Er H Duhkima Treasurer te kalin an ni hi CEC 11 te bakah Sub-Hqrs YMA, Mamit Office Bearers, Chhawrpial Group, Airport Group, Langkaih Group leh Taitesena Group hruaitute an tel bawk.

Prof Malsawmliana chuan SIR 2026 kalpui mek hi YMA in a ngaihpawimawh thu sawiin SIR ah hian State dangah chuan mi nuai tel an paih thu sawiin tuna SIR neih chhoh mekah hian Branch YMA hruaitute pawh a theih anga Election hotute thawhpui tura ngen an nih thu leh NGO Coordination Committee pawhin a ngaihpawimawh thu a sawi bawk.

Sawma chuan SIR 2026 draft roll chu ngaithatthlak loh a thu a sawi. He roll ah hian khua leh tui dik tak thun tur a nih rualin foreigners lut tur te engtinnge kan in dan theih ang tih tih leh hearing neih turah hian hnam rilru pu a kan thawh ho a ngaih thu a sawiin tanho puiah Election hotute a sawm.

AERO te chu dik taka ding ngam tur leh mi diklo te thun an nih loh nan huaisen taka tang ngam turin a ngen thu a sawiin Election Official te lamah YMA lamah an din tur thu a sawi.

H Darhmingliana, President, Sub- Hqrs Mamit pawhin thusawiin EO te nen an thawh ho that thu sawiin hnamdang ten lehkha pawimawh Birth certificate an ngaihpawimawh thu a sawi a. Chakma pun chak dan erawh a rinhlelhawm thu a sawi.

Group hruaitute atangin YMA awm lohna khua tamin heng khuaa mihring pun chak dan a chu a ngaithatthlak loh thu sawi awm chu Election Official lam chuan heng khuaa hearing neih hunah Group YMA hruaitute an hrilh tur thu an sawi.

Er. H. Duhkima, Treasurer, CYMA chuan hnam tlem kan nih avangin chimral hlauhna a len thu sawiin hetiang karah Mizo te kan himna chu Sawrkar official te leh tlawmngai pawlte tanhona that vang a nih thu a sawi. SIR 2026 ah hian khua leh tui dik tak hmaih miah loha an awm theih nan leh khua leh tui diklo hum luih tum awm karah heng mite paih a SIR dik tak a nih theih nan YMA chuan a ngaihpawimawh a ni a ti.

Pu N. Lalzarvova, ERO, Dampa A/C chuan a tel lo tura te chu an tel lo mai tur a ni ti a sawiin annu pawhin theihtawp chhuahin document pawh a dik ngei an phut thu a, fimkhur thei ang bera kalpui an tum thu a sawi.

Pu Lalchhanhima, ERO, Hachhek A/C chuan CEO atangin YMA leh NGO ngaihpawimawh te ngaihpawimawh tura ngenna an dawn thu leh BLO fel lo te pawh an thlak thu a sawi bawk.

Meeting-ah hian Central YMA CEC mi 11 an tel bawk.