CM leh kohhran hruaitute'n FCRA chungchangah Union Home Minister hnenah memorandum thehluh rawt

Aizawl | July 25, 2026: Chief Mister Lalduhoma leh kohhran hruaitute an inkawm a,  FCRA chungchangah Union Home Minister hnenah memorandum thehluh an rawt.

Vawiin July 25, 2026 tlai dár 3 khan CM Bangla-ah Mizoram Kohhran Hruaitute Committee (MKHC) leh Council of Churches in Mizoram (CCM) hruaitute nen Foreign Contribution (Regulation) Amendment Bill, 2026 chungchangah Chief Minister ho in an inkawm ho.

An sawiho hnuin, he dan siam that dan chungchang hi inpawh tlâng taka sawiho niin tuna Bill ang ang hi chuan pawm theih loh-ah an ngai a. Tihdanglam rawtna hi Memorandum hmangin sawrkar-in lo buatsaih se, an ti.

Union Home Minister hnenah Memoandum thehluh an rel a, Chief Minister in Home Minister hnenah appointment lo buaipui se, MKHC leh CCM hruaitute nen Delhi ah Memorandum thehluh ni se tiin an rel a ni.

Chief Minister hi Adviser to CM pahni -  Lalmuanpuia Punte leh TBC Lalvenchhunga ten an tawiawm a ni.

Press Communique

Vawiin July 25, 2026 tlai dár 3 ah CM Bungalow ah MKHC leh CCM hruaitu te nen FCRA Amendment 2026 chungchangah Chief Minister ho in inkawmhona neih a ni a. He dan siam that dan chungchang hi inpawh tlâng taka sawiho niin tuna Bill ang ang hi chuan pawm theih loh ah ngaih a ni a. Tihdanglam rawtna hi Memorandum hmangin sawrkar in lo buatsaih se. Chief Minister in Home Minister hnenah appointment lo buaipui se, MKHC leh CCM hruaitu te nen Delhi ah Memorandum thehluh ni se tih rel a ni.

Chief Minister hi Adviser to CM Pu Lalmuanpuia Punte leh TBC Lalvenchhunga ten an tawiawm a ni.

Sd/-

TBC Lalvenchhunga

Secretary

ZPM  Legislature Party