Aizawl | May 13, 2026: Manipur-a Zo hnahthlak Pastor pathum chu vawiin chawhma khan kahhlum an ni a, he thil theng hi. MNF chuan pawi an ti ti hle a, "Thinlung takin he thihna lo thlenga thite hi MNF chuan a sun a, pawikhawihtuten an phu ang ngei hremna hmu se kan duh," tiin MNF chuan thuchhuah siamin. an tarlang.
"Manipurah Zohnahthlakte inkarah leh hnam hrang hrang inkarah remna tluantling awm se, tih hi MNF duh dan a ni," tiin an tarlang bawk.
"Churachanpur aṭanga Kangpokpi pana Thadou Baptist Association hruaitu, motor pahniha chuangte chu Kangpokpi district an thlen hnu, Kotzim leh Kotlen khaw inkarah kahhlum an ni a. Pastor pathum thite hi Rev Dr Vumthang Sitlhou, Rev Kaigoulun Lhouvum leh Rev Paogoulen Sitlhou te an ni a, mi paliin hliam an tuar bawk a ni," tiin MNF chuan an tarlang a.
"Manipurah boruak ṭha a awm chhoh mek laia hetiang thil duhawm lo tak mai a thleng hi MNF chuan pawi kan ti a. Hliam tuarte pawh ṭha chhuak leh ngei turin duhsakna kan hlan a. Hetianga Pathian mi, sakhaw puithiamte chungah kutthlak a ni hi MNF chuan kan hrethiam lo hle a. A pawi kan ti tak zet a ni," an ti bawk.
Mizo National Front
General Headquarters
Mizoram : Aizawl
Press Release
ZOHNAHTHLAK PASTOR PATHUM KAHHLUMTE SUNNA
May ni 13, 2026-a Manipur-a Zo hnahthlak Pastor pathum kahhlum an ni hi MNF chuan pawi kan ti tak zet a. Thinlung takin he thihna lo thlenga thite hi MNF chuan a sun a, pawikhawihtuten an phu ang ngei hremna hmu se kan duh.
Churachanpur aṭanga Kangpokpi pana Thadou Baptist Association hruaitu, motor pahniha chuangte chu Kangpokpi district an thlen hnu, Kotzim leh Kotlen khaw inkarah kahhlum an ni a. Pastor pathum thite hi Rev Dr Vumthang Sitlhou, Rev Kaigoulun Lhouvum leh Rev Paogoulen Sitlhou te an ni a, mi paliin hliam an tuar bawk a ni.
Manipurah boruak ṭha a awm chhoh mek laia hetiang thil duhawm lo tak mai a thleng hi MNF chuan pawi kan ti a. Hliam tuarte pawh ṭha chhuak leh ngei turin duhsakna kan hlan a. Hetianga Pathian mi, sakhaw puithiamte chungah kutthlak a ni hi MNF chuan kan hrethiam lo hle a. A pawi kan ti tak zet a ni.
Manipurah Zohnahthlakte inkarah leh hnam hrang hrang inkarah remna tluantling awm se, tih hi MNF duh dan a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No. 481/2026
Dt.13.05.2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: