Aizawl | April 14, 2026: MPCC General Secretary leh Spokesperson Dr Lallianchhunga chuan vawiin khan Aizawl Press Club-ah thuthar thehdarhtute kawmin, "IAF te tana Lengpui Airport bul ram lâk a nih avanga cheng nuai 11790 insemna awm anga lang hi Mizoram history a mipui pawisa eirukna (corruption) lian ber a ni," a ti.
Compensation hmanga Indian Air Force (IAF) te tana Lengpui Airport bul ram lâk a nih dan chungchangah Dan bawhchhiatna nasa tak a awm avangin Congress party chuan he thil thleng hi a ngai thu tak hle a. Press Conference leh Press Release hmang tein vawi engemaw zât thudik puangzar turin ZPM sorkar a lo ngen tawh a ni. Mipui pawisa tam tham tak, nuai 11790 chuang insemtu an awm ngei a ni tih hi Mizoram mipui rin dan a nih avangin Feb 5,2026 khan CBI Aizawl Unit hnenah pawh hemi chungchang hi chhui ngei turin First Information Report (FIR) kan thehlut tawh bawk a. Heti khawpa kil hrang hrang aṭanga ZPM sorkar kan nawr chung hian ZPM sorkar hotute zingah a hlawkna têl vetu an awm nge, ZPM sorkar chu insawifihlim tumin ṭan ala khawh char char a ni. Dan bawhchhe chunga Lengpui Airport bul ram IAF te tana an lak theihna tura remtihna petute chu Chief Minister, Pu Lalduhoma leh Revenue Minister B Lalchhanzova te an ni a. Feb 21, 2025 khan Chief Minister Pu Lalduhoma chuan IAF in Lengpui Airport bul ram lei an tum chungchang hi ‘tihtawp lailawk’ (kept in abeyance), a nih thu Assembly Budget Session ah a sawi a. Amaherawhchu, hemi hnu lawk hian chak takin File an kal tir a. May 15, 2025 ah Preliminary Notification an chhuah chûk chûk a, hemi Ni vek hian Social Impact Assessment (SIA) neih ngai lo (exempt) turin Revenue Minister Pu B.Lalchhanzoa’n phalna a pe nghal bawk a. Secretary, LR & S in fimkhur taka Notesheet a a ziah chu chungtlâk (Override) turin Revenue Minister in July 18, 2025-ah leh Chief Minister in July 21, 2025-ah te khauh (Strong) takin an ziah hnan a. July 24, 2025 ah Compensation Award an tifel a, a tuk lawk July 25-ah ram leina man chu Pu Rohmingliana kutah Rs. 32,41,94,731 leh Pu Henry Lalremsanga Hlawnmual kutah Rs.117,90,26,341 pek nghal a ni ta a; August 26-ah Pu Rohmingliana hnenah Rs. 37,58,05,269 pek leh a ni. Hetiang khawpa chaka thil kalpui a nih avang hian Chief Minister Pu Lalduhoma leh Revenue Minister B Lalchhanzova te hi MANṬANG insemnaah an tel ve ngei ang tih a ti rinhlelhawm zual hle a ni.
Revenue Minister B Lalchhanzoa’n Assembly a ziaka chhan chi zawhna (Unstarred Question) a chhanna aṭangin IAF te tana Lengpui Airport bul ram lak a nih danah hengah te hian dan bawhchhiatna a awm tih a lang:
1. Section 54 of the Transfer of Property Act, 1882 – Ram neitute hnen aṭanga Pu Rohmingliana’n ram a leina Sale Deed a siam hi ram neitu tak tak ten an hriatpui lo. Compensation Claim nana a tir atanga a ram neitute hming Pu Rohmingliana’n a la hmang thei ringawt pawh hi thil mak a ni.
2. Section 17 (1)(b) of the Registration Act, 1908 – Ram inleina Document, Sale Deed hi sorkarah ziahluh (register) a ni lo. Register a nih loh avangin sorkarin Rs.30,000 a hloh. Sale Deed register loh hi sorkarin document puitlingah a ngai lo.
3. Article 23 (b)(i) of the Schedule to the Indian Stamp (Mizoram Amendment) Act, 1996 – Ram inleina hi dan ang takin tih nise chuan sorkarin Stamp Duty aṭangin cheng vbch 5 leh nuai 61 a hmu ang. Mahse, Dan bawhchhia a ram inleina kalpui a nih avangin sorkarin cheng vbch 5 leh nuai 61 a hloh a ni.
4. Section 100 of the Mizoram (Land Revenue) Act, 2013 – Ram neitu inthlakna reng reng chu Registration Act, 1908 hnuaiah in ziahluh (register) ngei ngei tur a ni.
Heti khawpa dan bawhchhe chunga MANṬANG eitu (Henry Lalremsanga Hlawnmual) kuta cheng nuai 11790 chuang teh meuh mai a luh theih nana ZPM sorkarin chak taka hma ala duh hi mipuiin mak kan ti a. Ram lei khawmtu Rohmingliana’n cheng nuai 7000 a dawn laiin, a ram neitu pawh ni lo Henry Lalremsanga Hlawnmual in cheng nuai 11790 chuang a dawn theih nana ZPM sorkar thil tih dan hi engti zawng mahin sawi mam theih a ni lova. Sawimam an tum poh leh Chief Minister Lalduhoma leh Revenue Minister B Lalchhanzova te hi MANṬANG insemnaah an tel ve ngei ang tih a ti rinhlelhawm zual hle a ni.
ZPM sorkara hotu lian te an inrawlh vang em niang, an Val Upa Council (VUC) pawh tun thlengin an la ngawi a, an benghriat ngeia cheng nuai tam tak eirukna thleng hi an ngawih bopui a nih chuan sorkar khalh ngil tura an awm ve reng hi a tul kher tawh lo a ni. ZPM sorkar hian sorkar kal ta hunlaia thui tak lo kalpui tawh a ni tih sawi ṭhin mahse, cheng nuai 11790 chuang insem tur a awm tih an hriat hnuah an titawp duh bik lo em ni? tih hi Congress party in ZPM sorkar hotute kan zawt a ni.
IAF te tana Lengpui Airport bul ram lak a nih avanga cheng nuai 11790 insemna awm nia sawi hi Mizoram history a mipui pawisa eirukna (corruption) lian ber a ni a. Pu Zoramthanga pawh a unaute pawisa cheng nuai 909 a kawl chungchangah nasa taka beih a tawh laiin, cheng nuai 11790 meuh insemna a awm ngei nia sawi awm chungchang hi Mizoram hmangaihtute tan en liam chi a ni lova. Cheng tam tak dik lo taka insemna a awm ngei nia lang hi chhui chhuah a nih ngei theih nan leh a mawhphurtute dan anga hrem an nih ngei theih nan Congress party chuan theihtawp a chhuah zel dawn a. ZPM sorkar pawhin sum tam tak insemtute hi chhui chhuah tir a tum tak tak lo a nih chuan dikna leh rinawmna hi ZPM sorkarah beisei tur a awm lo tihna a ni ang.
"IAF te tana Lengpui Airport bul ram lâk a nih avanga cheng nuai 11790 insemna awm anga lang hi Mizoram history a mipui pawisa eirukna (corruption) lian ber a ni," ~ MPCC General Secretary leh Spokesperson Dr Lallianchhunga
Compensation hmanga Indian Air Force (IAF) te tana Lengpui Airport bul ram lâk a nih dan chungchangah Dan bawhchhiatna nasa tak a awm avangin Congress party chuan he thil thleng hi a ngai thu tak hle a. Press Conference leh Press Release hmang tein vawi engemaw zât thudik puangzar turin ZPM sorkar a lo ngen tawh a ni. Mipui pawisa tam tham tak, nuai 11790 chuang insemtu an awm ngei a ni tih hi Mizoram mipui rin dan a nih avangin Feb 5,2026 khan CBI Aizawl Unit hnenah pawh hemi chungchang hi chhui ngei turin First Information Report (FIR) kan thehlut tawh bawk a. Heti khawpa kil hrang hrang aṭanga ZPM sorkar kan nawr chung hian ZPM sorkar hotute zingah a hlawkna têl vetu an awm nge, ZPM sorkar chu insawifihlim tumin ṭan ala khawh char char a ni. Dan bawhchhe chunga Lengpui Airport bul ram IAF te tana an lak theihna tura remtihna petute chu Chief Minister Lalduhoma leh Revenue Minister B Lalchhanzova te an ni a. Feb 21, 2025 khan Chief Minister Lalduhoma chuan IAF in Lengpui Airport bul ram lei an tum chungchang hi ‘tihtawp lailawk’ (kept in abeyance), a nih thu Assembly Budget Session ah a sawi a. Amaherawhchu, hemi hnu lawk hian chak takin File an kal tir a. May 15, 2025 ah Preliminary Notification an chhuah chûk chûk a, hemi Ni vek hian Social Impact Assessment (SIA) neih ngai lo (exempt) turin Revenue Minister Pu B.Lalchhanzoa’n phalna a pe nghal bawk a. Secretary, LR & S in fimkhur taka Notesheet a a ziah chu chungtlâk (Override) turin Revenue Minister in July 18, 2025-ah leh Chief Minister in July 21, 2025-ah te khauh (Strong) takin an ziah hnan a. July 24, 2025 ah Compensation Award an tifel a, a tuk lawk July 25-ah ram leina man chu Pu Rohmingliana kutah Rs. 32,41,94,731 leh Pu Henry Lalremsanga Hlawnmual kutah Rs.117,90,26,341 pek nghal a ni ta a; August 26-ah Pu Rohmingliana hnenah Rs. 37,58,05,269 pek leh a ni. Hetiang khawpa chaka thil kalpui a nih avang hian Chief Minister Pu Lalduhoma leh Revenue Minister B Lalchhanzova te hi MANṬANG insemnaah an tel ve ngei ang tih a ti rinhlelhawm zual hle a ni.
Revenue Minister B Lalchhanzoa’n Assembly a ziaka chhan chi zawhna (Unstarred Question) a chhanna aṭangin IAF te tana Lengpui Airport bul ram lak a nih danah hengah te hian dan bawhchhiatna a awm tih a lang:
1. Section 54 of the Transfer of Property Act, 1882 – Ram neitute hnen aṭanga Pu Rohmingliana’n ram a leina Sale Deed a siam hi ram neitu tak tak ten an hriatpui lo. Compensation Claim nana a tir atanga a ram neitute hming Pu Rohmingliana’n a la hmang thei ringawt pawh hi thil mak a ni.
2. Section 17 (1)(b) of the Registration Act, 1908 – Ram inleina Document, Sale Deed hi sorkarah ziahluh (register) a ni lo. Register a nih loh avangin sorkarin Rs.30,000 a hloh. Sale Deed register loh hi sorkarin document puitlingah a ngai lo.
3. Article 23 (b)(i) of the Schedule to the Indian Stamp (Mizoram Amendment) Act, 1996 – Ram inleina hi dan ang takin tih nise chuan sorkarin Stamp Duty aṭangin cheng vbch 5 leh nuai 61 a hmu ang. Mahse, Dan bawhchhia a ram inleina kalpui a nih avangin sorkarin cheng vbch 5 leh nuai 61 a hloh a ni.
4. Section 100 of the Mizoram (Land Revenue) Act, 2013 – Ram neitu inthlakna reng reng chu Registration Act, 1908 hnuaiah in ziahluh (register) ngei ngei tur a ni.
Heti khawpa dan bawhchhe chunga MANṬANG eitu (Henry Lalremsanga Hlawnmual) kuta cheng nuai 11790 chuang teh meuh mai a luh theih nana ZPM sorkarin chak taka hma ala duh hi mipuiin mak kan ti a. Ram lei khawmtu Rohmingliana’n cheng nuai 7000 a dawn laiin, a ram neitu pawh ni lo Henry Lalremsanga Hlawnmual in cheng nuai 11790 chuang a dawn theih nana ZPM sorkar thil tih dan hi engti zawng mahin sawi mam theih a ni lova. Sawimam an tum poh leh Chief Minister Lalduhoma leh Revenue Minister B Lalchhanzova te hi MANṬANG insemnaah an tel ve ngei ang tih a ti rinhlelhawm zual hle a ni.
ZPM sorkara hotu lian te an inrawlh vang em niang, an Val Upa Council (VUC) pawh tun thlengin an la ngawi a, an benghriat ngeia cheng nuai tam tak eirukna thleng hi an ngawih bopui a nih chuan sorkar khalh ngil tura an awm ve reng hi a tul kher tawh lo a ni. ZPM sorkar hian sorkar kal ta hunlaia thui tak lo kalpui tawh a ni tih sawi ṭhin mahse, cheng nuai 11790 chuang insem tur a awm tih an hriat hnuah an titawp duh bik lo em ni? tih hi Congress party in ZPM sorkar hotute kan zawt a ni.
IAF te tana Lengpui Airport bul ram lak a nih avanga cheng nuai 11790 insemna awm nia sawi hi Mizoram history a mipui pawisa eirukna (corruption) lian ber a ni a. Pu Zoramthanga pawh a unaute pawisa cheng nuai 909 a kawl chungchangah nasa taka beih a tawh laiin, cheng nuai 11790 meuh insemna a awm ngei nia sawi awm chungchang hi Mizoram hmangaihtute tan en liam chi a ni lova. Cheng tam tak dik lo taka insemna a awm ngei nia lang hi chhui chhuah a nih ngei theih nan leh a mawhphurtute dan anga hrem an nih ngei theih nan Congress party chuan theihtawp a chhuah zel dawn a. ZPM sorkar pawhin sum tam tak insemtute hi chhui chhuah tir a tum tak tak lo a nih chuan dikna leh rinawmna hi ZPM sorkarah beisei tur a awm lo tihna a ni ang.
ISSUED BY MIZORAM PRADESH CONGRESS COMMITTEE ON April 14, 2026 @ Aizawl Press Club
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: