Govt T Romana College-ah 'Hmeichhe chunga hleilenna hi hmeichhiate mawhphurhna a ni,' tih thupui hmangin Debate Competition buatsaih

Aizawl | April 2, 2026: Govt T Romana College (GTRC) RUSA Hall-ah Women & Child Development Department (WCD) leh Govt T Romana College (GTRC)-a Internal Quality Assurance Cell (IQAC) leh Department of Sociology tangkawpin vawiin khan 'Hmeichhe chunga hleilenna hi hmeichhiate mawhphurhna a ni,' tih thupui a hmangin Intra-College Level Debate Competition an buatsaih.

He debate competion hi GTRC Associate Prof C Laldinsanga'n a kaihruai a, GTRC Principal Dr Jenifer Lalbiakdiki'n inlawmna thu sawiin, Hmeichhiate dinhmun pawimawhzia leh hlutzia a sawi.

Women & Child Development Department (WCD) director Zoramthangi Chhangte chuan he intihsiakna hi a hawng a, Hmeichhiate hlutna leh humhimna atana Department hmalakna te a sawi a, Mizo society in hmeichhiate kan endan leh kan beisei danah her rem ngai a awmthu a sawi.

He debate competition-ah hian Best Debator atan Lallawmkima, Dept of English thlan a ni a, pahnihna atan Jacob Hmingduhawma, Deptt of Political Science niin Jenny Lalremthiami, Deptt of Sociology chu pathumna a ni a, Lawmman pakhatna hian Rs 5000 leh Citation a keng a, Lawmman Pahnihna-in Rs 3000 leh citation kengin Lawmman pathumna in Rs 2000 leh Citation a keng bawk a, inelna a tel zawng zawng te participation prize leh certificate pek vek an ni.

GTRC IQAC Coordinator Dr Dorothy Zonunsangi'n lawmthu sawiin hun a khar. He Debate competition hi students ten an hlawkpui hle.