NANGMAH NI LO VIN, MIDANG LANG TAM RAWH SE

_Thil Pawimawh Sawihona_

By Rick Warren 

March 2, 2026

“Thu ṭha lo reng in kaan chhuak suh se, a ṭulzia ang zela siam ṭha turin thu ṭha apiang chhuak zawk rawh se, a ngaithlatute tan khawngaihna a lo nih theih nan.” Ephesi 4:29

Mi nena in titihonaah thudik chauh sawi a pawimawh khawp mai. Nangma chungchang chauh sawi lo turin fimkhur bawk rawh.

Mi nena in inkawmnaah nangma chungchang, i natnate, i sawiselnate leh i harsatnate chauh i tarlan chuan, awmzia i nei thei lo vang. 

In tithona reng rengah midang ngaihpawimawhnain bulṭan ṭhin rawh. An natna engnge? Engnge an tui zawng? Engnge an thil hlauh zawng? Engnge an harsatna?  

“Thu ṭha lo reng in kaan chhuak suh se, a ṭulzia ang zela siam ṭha turin thu ṭha apiang chhuak zawk rawh se, a ngaithlatute tan khawngaihna a lo nih theih nan.” (Ephesi 4:29).

He changah hian thupek pali a awm a: Thu ṭha chauh sawi rawh, siamṭha tu ni la, midang ngaithlatu ni rawh, midang khawngaihtu ni ang che.

I chungchang i sawi hun te pawh a awm ang. I rilru hahna emaw i hlauhna emaw midang ngaihdan lak i duh hun emaw pawh a awm ang. Nimahsela bul ṭan nghal thawt thawt suh.   

Hetiang hian bul ṭan ang che: A hmasaberah chuan an ṭawng hmasak  theihnan chawkphur rawh. Tibuai lo vin ṭawng tir ang che. Zawhna zawt lo la. Sawifiahtir pawh a ngai lo. Cho let lo la. An duh chu sawi tir zel rawh. I ngaithla tih lantir la. I rilru i pe la, i ngaihsak a ni tih lantir rawh.          

I ngaihsak a ni tih lantir lehna dang chu: An sawi tlangpui sawichhuak la. Hetiang hian sawi ang che, "I sawi ka hriat angin ka lo sawinawn teh ang." Chutaṭang chuan an nemnghet emaw a tihdikna an sawi ngam dawn a ni. Chu chuan i ngaihsak a ni tih leh an hrethiam a ni tih a nemnghet ang. Chu chu inlaichinna kawngah hmangaihna lantir nan a ṭangkai em em a ni.

Mihring thinlungah chuan mahni indah pawimawhna hi a lian a. Nimahsela midang nen innel tala inkawm tur chuan inngaihtlawm hmasak a ṭul a. Anmahni ṭanng hmasaktir a, an thusawi ngaihthlak a pawimawh em em a ni.

Ngaihtuahzui atan

* Mi nen in inkawmhnonaah engtinnge awmse tih i duh? Midang hnenah i ngaihsakzia i lantir ṭhin em?

* Mi kawmnel thiamte chuan: An thu ngaihthlak an hriatdan an sawinawn ṭhin a. Tunkar chhungin chu chu kalpui tum ve la, miin engtinnge an chhanlet che i hre thei ang.

* Ṭawng lo vin engtinnge mi nen in inkawm ang, engtinnge i ngaihsak a ni tih i lantir theih ang?

*[Lettu: Sangpuia]*