Women Commission-in Tanhril nula vanduaina tawh chungchanga thu vawrh darh kawngah fimkhur turin mipui ngen

Aizawl | Feb 4, 2026: Mizoram State Commission for Women chuan nimin khan thuchhuah siamin, tun hnaia Tanhril-a thil thlengah khan National Commission for Women, Delhi-in Suo-Moto cognizance a la a, hemi bawhzui hian Mizoram State Commission for Women chuan case hi a ngaihven zui reng a, Police te pawhin an tih tur tiin theihtawpin khawtlang puihnain hma an la a, boruak ralmuang tak karah chhui ni-a an hriat thu an sawi.

Mizoram State Commission for Women Logo

Zoram mipui zawng zawngte pawh, hnu chhuitu Police leh Court-ah rinna nghat ngam tura ngen kan ni a. Tanhril nula vanduaina tawh chungchangah hmeichhiate zahawmna tibawrhban zui thei tur zawnga video siam, video re-act, post leh comment lo siam zung zung lo tur leh, dan bawhchhiat mai theihna laka kan filhlim theih nan thu vawrh darh zui tawh lo tura ngen kan ni e. Hnuhma thar leh finfiahna thar kan nei a nih pawhin dan anga hnu chhuitute hriattir zawk a, social media lama comment mawi lo tak tak awm zui theihna tur ang zawnga thil ti tawh lo turin an inngen.

Police Press Statement rawn chhuah hnu, ni 27th January, 2026 atang erawh boruak a danglam ta a, vanduaina tawka boral ta Tanhril nula leh a chhungte bakah, a mipa kawppui nia ngaih boral ta nupui fanaute zahawmna humhim chu Mizoram State Commission for Women chuan tul a ti a ni.

No.F.14015/1/2018-MSCW(WCD)

OFFICE OF THE

MIZORAM STATE COMMISSION FOR WOMEN

AIZAWL : MIZORAM

Near Mizoram Public Service Commission Office,

MINECO Phone No. : 0389-2335505

Email: womencommissionmizoram@rediffmail.com

Dated Aizawl the 3rd February, 2026

TUN HNAIA HMEICHHE TUAL THIHNA CHUNGCHANGA MSCW THU CHHUAH LEH NGENNA

Tun hnaia Tanhril-a thil thleng ah hian National Commission for Women, Delhi-in Suo-Moto

cognizance a la a ,hemi bawhzui in Mizoram State Commission for Women chuan case hi a ngaihven zui reng a, Police te pawhin an tih tur tiin theihtawpin khawtlang puihnain hma an la a, boruak ralmuang tak karah chhui niin Mizoram State Commission for Women chuan a hria a ni.

Police Press Statement rawn chhuah hnu ni 27th January, 2026 atang erawh boruak a danglam ta a, vanduaina tawka boral ta Tanhril nula leh a chhungte bakah, a mipa kawppui nia ngaih boral ta nupui fanaute zahawmna humhim chu Mizoram State Commission for Women chuan tul a ti a.

Zoram mipui zawng zawngte pawh, hnu chhuitu Police leh Court-ah rinna nghat ngam tura ngen kan ni a. Tanhril nula vanduaina tawh chungchangah hmeichhiate zahawmna tibawrhban zui thei tur zawnga video siam, video re-act, post leh comment lo siam zung zung lo tur leh, dan bawhchhiat mai theihna laka kan filhlim theih nan thu vawrh darh zui tawh lo tura ngen kan ni e. Hnuhma thar leh finfiahna thar kan nei a nih pawhin dan anga hnu chhuitute hriattir zawk a, social media lama comment mawi lo tak tak awm zui theihna tur ang zawnga thil ti tawh lo turin kan inngen e.

Sd/-

C. ZODINPUII

Chairperson

Mizoram State Commission for Women

Aizawl : Mizoram

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[ For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ