“Vanrama ka bank account tihchhah nan ZPM hi a tha tawk a, Pu Lalduhoma anga Mizoram kaihruai dik tur ka hre lo. 5G support party a awm reng laia 2G support party-a ka awm rengna chhan tur a awm lo bawk," - Hriata Chhangte

Aizawl | Feb 23, 2026: ZPM chuan Vawiin chawhma dar 11:00 khan Party Office-ah chhung inkhawm an hmang a, Party a lungthu kim nana Feb 20-a ZPM zawm thar, Hriata Chhangte chuan ZPM a zawm chhan sawiin, “Vanrama ka bank account tihchhah nan ZPM hi a tha tawk a, Pu Lalduhoma anga Mizoram kaihruai dik tur ka hre lo. 5G support party a awm reng laia 2G support party-a ka awm rengna chhan tur a awm lo bawk. Beisei neia ZPM party-a lut ka ni lo va, mihring dam chena ka hun tawp lamah ram tan thahnemngai leh theih tawp chhuaha hna thawk turin ka zawm a ni,” a ti.

Thusawitu dang Mizoram State Planning Board Vice Chairman Dr Kenneth Chawngliana chuan, “Kalphung thar mipui sorkar hi Mizoram tan a thlamuanthlak a, opposition party-te hian sorkar ve an duh a nih chuan mipui tan policy te zuarin Chief Minister tur te pawh zuar ngam ve rawh se,” a ti.

   

Planning Board Vice Chairman chuan, “Mizoram lo kaihruai tawhtuten an zir loh avangin hmana kan neih tawh tur kan la nei thei lo va, tunah hian Pu Lalduhoma kaihruaina hnuaiah bul kan tan thar chauh ang a ni. He sorkar hian kawng dik a zawh mek a, tuna kan hmalakna chin chauh atanga chhut pawhin mipuiten sorkar tha a nihzia an hre mek a.  Kum hnih chhung hian eiru ve duh chu ni se eiruk tur a tam tawh lutuk a, heti chung hian tumah hming hliau  awm lo va, kan minister-te kut a fai thiau mai hi an fakawm tak zet a ni. Kalphung thar mipui sorkar hi Mizoram tan a thlamuanthlak a, opposition party-te hian sorkar ve an duh a nih chuan mipui tan policy-te zuarin Chief Minister tur te pawh zuar ngam ve rawh se,” a ti.

Dr. Kenneth Chawngliana chuan, “Independence ram kan nih atangin kum 79 kan hmang tawh a, hemi chhung hian kum 54 Congress an sorkar tawh. Heti khawpa sorkarna chang rei tawh ni mah se ram tan thil ropui tak hnutchhiah an nei mang lo. Nehru & Gandhi family-ten sorkarna kum 34 an chang tawh a, Nehru chhungkaw rorelna hnuaiah India ram chu Economy-ah kan hnufual em em a, ram a retheih avangin thenawm ramte nena innghirnghona kar atangin J&K ram bung thenkhat pawh kan chan a ni. P.V. Narasimha Roa sorkar hnuaiah kan ziaawm chho va, Economic Reforms siamin Manmohan Singh sorkar hnuah nasa leh zualin India chuan hma a sawn ta a ni. Congress party mah ni se Nehru chhungkaw enkawl loh Congress sorkar chuan India ram rethei tak mai chu nasa takin a chawikang ta a. Hetiang hian mi chak tak pahnihin India kaihruai mah se Congress party chuan Nehru chhungkua atangin Rahul Gandhi bawk an zuar chhuak a, hei hi an tlak chhiatna chu a ni ta a ni. Lok Sabha inthlanpui lo awm leh pawh ni se, a hma aiin Congress hi an tlak hniam zel ka ring. Lok Sabha-ah seat 543 awmin BJP-in seat 240 an lak theih laiin INC chuan seat 99 chauh an la phak a, India ram state 28 leh UT 8-ah Congress-in state 3 chauhah sorkarna changin sorkar laipui lama an chet chhiat chuan state lamah nasa takin an tla hniam zel thin. Tunah phei chuan India hmarchhakah Congress sorkarna a awm tawh lo va, Mizoramah pawh inthlanpui kan neih hnuhnung berah chuan seat 1 chauh an chang pha tawh a ni. Mizoramah ZPM kan sorkar ta a, kalphung thar sorkar hnuaiah Prime Minister Narendra Modi-an India tha tak leh chak taka a kaihruai ang main Pu Lalduhoma kaihruaina hnuaiah kum hnih chhung lekin hmel thar kan hmu a, hetiang zela kan kal chho a nih chuan India ram state danga party thenkhatten term tam tak sorkarna an chelh angin ZPM pawhin Mizoramah sorkarna kan chelh ngei ang” a ti. 

Vawiin chhung inkhawm hi PAC Member BC Tawna,  chuan a kaihruai a, Secretary Vanlalhruaia,  chuan hunserh hmangin Party President Lalliansawta chuan ZPM-ah Lalhmingthanga Renthlei, MNYF Media Secretary leh Lalsangliana Dosel (Asanga Videography) te a lawm lut a, tun hnaia ZPM zawm thar Pu Lal Hriatrenga Chhangte pawhin thu sawina hun a hmang bawk. 

PRESS RELEASE

(ZPM General Headquarters, Aizawl)

KALPHUNG THAR MIPUI SORKAR HI MIZORAM TAN A THLAMUANTHLAK

-Dr. Kenneth Chawngliana, Vice Chairman, Mizoram State Planning Board

Aizawl, 23rd February, 2026 : Vawiin chawhma dar 11:00 khan ZPM chuan Party Office-ah chhung inkhawm kan hmang a, thusawitu Dr. Kenneth Chawngliana, Vice Chairman, Mizoram State Planning Board chuan, “Kalphung thar mipui sorkar hi Mizoram tan a thlamuanthlak a, opposition party-te hian sorkar ve an duh a nih chuan mipui tan policy te zuarin Chief Minister tur te pawh zuar ngam ve rawh se,” a ti.

   

Planning Board Vice Chairman chuan, “Mizoram lo kaihruai tawhtuten an zir loh avangin hmana kan neih tawh tur kan la nei thei lo va, tunah hian Pu Lalduhoma kaihruaina hnuaiah bul kan tan thar chauh ang a ni. He sorkar hian kawng dik a zawh mek a, tuna kan hmalakna chin chauh atanga chhut pawhin mipuiten sorkar tha a nihzia an hre mek a.  Kum hnih chhung hian eiru ve duh chu ni se eiruk tur a tam tawh lutuk a, heti chung hian tumah hming hliau  awm lo va, kan minister-te kut a fai thiau mai hi an fakawm tak zet a ni. Kalphung thar mipui sorkar hi Mizoram tan a thlamuanthlak a, opposition party-te hian sorkar ve an duh a nih chuan mipui tan policy-te zuarin Chief Minister tur te pawh zuar ngam ve rawh se,” a ti.

Dr. Kenneth Chawngliana chuan, “Independence ram kan nih atangin kum 79 kan hmang tawh a, hemi chhung hian kum 54 Congress an sorkar tawh. Heti khawpa sorkarna chang rei tawh ni mah se ram tan thil ropui tak hnutchhiah an nei mang lo. Nehru & Gandhi family-ten sorkarna kum 34 an chang tawh a, Nehru chhungkaw rorelna hnuaiah India ram chu Economy-ah kan hnufual em em a, ram a retheih avangin thenawm ramte nena innghirnghona kar atangin J&K ram bung thenkhat pawh kan chan a ni. P.V. Narasimha Roa sorkar hnuaiah kan ziaawm chho va, Economic Reforms siamin Manmohan Singh sorkar hnuah nasa leh zualin India chuan hma a sawn ta a ni. Congress party mah ni se Nehru chhungkaw enkawl loh Congress sorkar chuan India ram rethei tak mai chu nasa takin a chawikang ta a. Hetiang hian mi chak tak pahnihin India kaihruai mah se Congress party chuan Nehru chhungkua atangin Rahul Gandhi bawk an zuar chhuak a, hei hi an tlak chhiatna chu a ni ta a ni. Lok Sabha inthlanpui lo awm leh pawh ni se, a hma aiin Congress hi an tlak hniam zel ka ring. Lok Sabha-ah seat 543 awmin BJP-in seat 240 an lak theih laiin INC chuan seat 99 chauh an la phak a, India ram state 28 leh UT 8-ah Congress-in state 3 chauhah sorkarna changin sorkar laipui lama an chet chhiat chuan state lamah nasa takin an tla hniam zel thin. Tunah phei chuan India hmarchhakah Congress sorkarna a awm tawh lo va, Mizoramah pawh inthlanpui kan neih hnuhnung berah chuan seat 1 chauh an chang pha tawh a ni. Mizoramah ZPM kan sorkar ta a, kalphung thar sorkar hnuaiah Prime Minister Narendra Modi-an India tha tak leh chak taka a kaihruai ang main Pu Lalduhoma kaihruaina hnuaiah kum hnih chhung lekin hmel thar kan hmu a, hetiang zela kan kal chho a nih chuan India ram state danga party thenkhatten term tam tak sorkarna an chelh angin ZPM pawhin Mizoramah sorkarna kan chelh ngei ang” a ti. 

Vawiin chhung inkhawm hi Pu B.C. Tawna, PAC Member chuan a kaihruai a, Pu Vanlalhruaia, Secretary chuan hunserh hmangin Party President Pu Lalliansawta chuan ZPM-ah Lalhmingthanga Renthlei, MNYF Media Secretary leh Lalsangliana Dosel, (Asanga Videography) te a lawm lut a, tun hnaia ZPM zawm thar Pu Lal Hriatrenga Chhangte pawhin thu sawina hun a hmang bawk. 

Pu Hriata Chhangte chuan ZPM a zawm chhan sawiin, “Vanrama ka bank account tihchhah nan ZPM hi a tha tawk a, Pu Lalduhoma anga Mizoram kaihruai dik tur ka hre lo. 5G support party a awm reng laia 2G support party-a ka awm rengna chhan tur a awm lo bawk. Beisei neia ZPM party-a lut ka ni lo va, mihring dam chena ka hun tawp lamah ram tan thahnemngai leh theih tawp chhuaha hna thawk turin ka zawm a ni,” a ti.

Sd/- (ZIRSANGLIANI MANGPA)

Jt. Secretary, Media & Publicity Department,

ZPM General Headquarters, Aizawl

PR.No.ZPM-02/02A/2026/18

Dated 23rd February, 2026