Aizawl | Feb 20, 2026: Mizoram Chess Association (MCA) chuan vawiin khan 23rd NE Chess Tournament 2025 Medalist 6 te lawmpuina leh chawimawina hun an hmang.
Vawiina chawimawina hlan 23rd NE Chess Tournament 2025 Medalist 6 te chu
Vanlalzarliana Ralte - 60+ Gold medalist, Lalruatsanga - 60+ Silver medalist, BT Romawia - 60+ Bronze medalist, Lalthanmawia - 55+ Silver medalist, C Lalrinsanga Open Bronze medalist, Lalruattluanga -u15 Gold Medalist, Johnson Zoremthara Chhangte - u15 Silver medalist.
MCA General Secretary report chuan, "He kan hun tawn ropui leh chhuanawm tak hi medallist te leh an chhungte tan mai a chhuanawm leh ropui a ni lo va, mizo chess player zawng zawng te leh Mizoram Chess Association tan hun ropui leh chhuanawm tak, hriatreng tlak a ni," tiin a tarlang.
He hun hi MCA Sr Vice President Dr Lalhmuchhuaka'n a kaihruai a, P Lalchuanpuia'n hunserh hmangin, MCA general secretary H Lalthlamuana report a pe a, MCA President Er Lalchhuana thu a sawi a ni.
MCA General Secretary chuan, "Hetiang hlawhtlinna ropui leh chhuanawm tak hi MCA chuan a ngai hlu hle a, MCA history a la thleng ngai zen zen lo VAWK TALH hialin lawmna programme a siam a ni. Kan zavaiin medallist te lawmna ruai theh turin kan in sawm a ni Kan medalist te, in thiamna te, in inthunun theihna te leh in thawhrimna te avanga tournament lian tak NE huap tournament a medal la thei in ni. Hetiang tournament lian a medal lak hi thil awlai a ni lo va, talent neih that avang ringawt a lak theih pawh a ni lo, ruahmanna fel tak neih a, dawhtheihna te, rilru paukhauhna te neih tel a ngai a ni. Heng quality tha tak tak in neih avanga medal la thei in ni.
World No 1 chess player Magnus Carlsena chuan "without hard work, talent is nothing" a ti a ni. Chumi awmzia chu thawhrimna tel lo chuan talent ringawt hi chuan awmzia a nei lo tihna a ni. Thinlung takin medallist te kan lawmpui che u a, medallist te mai bakah nu leh pa medallist chhung te, hlawhtlinna in neih theihna tura theihtawp chhuahtute chungah pawh lawmpuina kan hlan e. He in hlawhtlinna hian Mizoram chess kheltute a ti phur a ni tih ka sawi duh a, tuna in hlawhtlinna hi a bul tannaah ngaiin, in zir belh sauh sauh zel ula, NE Chess championship level mai ni lo, National leh international level thleng a medal la thei turin duhsakna kan hlan a che u.
Mizoram Chess Association hian a theih ang tawk tawkin chess player te hmasawn theih nan hma a la ve thin a, National leh NE tournament ah kum tin player te a tir ve thir a, chess coaching te MCA officeah a kalpui ve reng a, Grand master coaching pawh a lo ne tawh a ni, chess in school pawh kalpui reng a ni. Thla leh mai hian PS Dahrawk FIDE Rated Tournament, MCA chuan a buatsaih leh dawn a, he mi hun pawh hian state pawn atangin players te an lokal ve leh ngei ang a, chumi hunah pawh tha taka khel thei turin kan player te theihtawp chhuaha lo inbuatsait turin ka chah duh bawk che u a ni Vawiina he hun lawmawm tak hmang thei tura lokal zawng zawng te in zavaia chungah lawmthu ka sawi e," tiin MCA General Secretary chuan a sawi a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: