EFCI | CKȚP General Conference leh Golden Jubilee hmang

Aizawl | Feb 23, 2026: Evangelical Free Church of India (EFCI) Central Kristian Țhalai Pawl Inkhawmpuilian vawi 20-na chu February 19 - 22, 2026 chhung khan Muolhoi (Haflong), Assam-ah neih a ni.

Inkhawmpui thupui atan, "I rinawmna hi a ropui" (Țah Hla 3:23) hman a ni a. Rorel Palai 238 leh mikhual riaklût 2500 chuang an awm.

Hemi hunah hian EFCI CKȚP kum 50 tlin Golden Jubilee lawmna nei tel nghalin, EFCI President Rev Simon L Darngawn-in Golden Jubilee Lungmawi a hawng a, Secretary, i/c KȚP Rev Jessai L Neithâm-in țawngțaia hlanna a nei a, Jubilee lawmna ruai an ṭheh a ni.

Inkhawmpui palai rorêlnaah Resolution 13 lak niin, rorel langsâr zingah - EFCI CKȚP Golden Jubilee pualin Project thar nei, KȚP zirlai Common Subject neih chhunzawm, kum 2027 ațangin October thlaah KȚP Day hmanna hapta hi Țhalai Hapta a hman turah rawtna, CKȚP hruaitute'n an term chhungin India ram chhunga EFCI Mission Field-te tlawhchhuah te a tel a ni.

Term thar atanah EFCI CKȚP Chairman-ah Rev. Stephen L.Pangamte (Saikawt Presbytery) leh Secretary-ah Upa Zadinliana Hmar (Kolasib Presbytery) te thlan an ni.

CKTP Secretary report aṭanga a lan danin, Central Kristian Țhalai Pawl hnuaiah KṬP unit 259 awmin, member 11,412 an awm mek a, KȚP te'n belhkhawmin Missionary 61 an châwm mêk a ni.

Țhalai Inkhawmpui lian vawi 21-na chu kum 2028-ah an nei leh dawn a ni.