Aizawl | Jan 13, 2025: BJP Mizoram State hruaitute chuan vawiin khan Aizawl Press Club-ah thuthar thehdarhtute kawmin, Central Sorkar in MGNREGA ni 100 inhlawhna changtlung zawka siam tha a, Scheme thar atan VB-G-RAM-G ni 125 inhlawhna a duan thar chungchang an sawi.
He hunah hian, BJP National Secretary i/c Minority Morcha leh BJP Mizoram State General Secretary bakah Mara Autonomous District Council (MADC)-a Member of District Council (MDC) ni bawk Delson Notlia, BJP Mizoram State General Secretary Lalfakzuala Hauzel, BJP Mizoram State Jt Treasurer Lalremsangi Fanai, BJP Mizoram State Secretary C Lalbiakkimi leh BJP Mizoram State Kisan Morcha President Lalmalsawmaa te'n thuthar thehdarhtute hi an kawm a ni.
"Ni 100 inhlawhna MGNREGA hnuai a kalpui thin kha, tuna Scheme thar siam tak VB-G-RAM-G Scheme thar hian nikum kumtawp December 15, 2025 khan thlak niin, he dan tharah hi chuan ni 100 mai ni lovin, Ni 125 inhlawhna, hnathawh theihna tur a duan ani ta hi a lawm awm em em a, Mi rethei tam tak ten he Scheme kal tlanga inhlawhna tha tak kan hmuh theih dawn avangin a lawmawm hle a ni," an ti a.
Tuna VB-G-RAM-G Scheme chungchangah hian, mi thenkhat ten, Scheme zawng zawng hi Central-in a ruahman vek dawn tih dawt thuthang an theh darh a, nimahsela Gram Panchayat leh Gram Sabha te'n an khua leh tui hmasawnna tur chu an mahni ngeiin an ruahman anga, khaw chhungah hna eng ang nge thawh tur tih pawh anmahni'n an rel thei dawn a, ruahmanna siam chungchangah a mawhphurhtu lian tak chu Village Council (VC) - te an ni dawn a ni.
VB-G-RAM-G Scheme hnuaiah hian, hna thawh tur zatve (50%) aia tam chu Gram Panchayat (VC/VEC) kaltlangin direct-in thawh theih a ni dawn a. Hei hian khawchhung mi te tan hna a siam thei ang a, a takin Thingtlang khua ten hmasawnna an hmu thei dawn a ni. Tin, Gram Sabha leh Gram Panchayat ten a an khua/veng tana hmasawnna tur ruahmanna an siam tur ah ngaihpawimawh tak tak pali an pali (4) an thlang a, chungte chu:- tui dahkhawlna (water conservation), hmasawnna hna thawhna tur siamte, (infrastructure creation), eizawnna tihchakna (livelihood-oriented works), leh chhiat rupna lo thlen thulh a ruahmanna (disaster management) lo siam te hi a Focus tur pawimawh tak a ni. Tin, kan sawi tak hnuai atang hian, dil (ponds) laih te, tui check dams siam te, tui danna (stop dams) siamte, sikul leh damdawi in (hospitals) sakte, Anganwadi sakte, kawngpui siamte, tui luankawr (drains) siamte, Shed tur sak leh chhungkaw retheite leh hmeichhia te tan Self Help Group (SHG) member-te sum lakluhna tihpunna tur hna hrang hrang ruahman te pawh telh a ni bawk a, a funkim em em a ni.
He Scheme thar hian hlo thlawh leh buh seng hun laia lo neitu te tan remchanna a siam sak tha em em a, Kum khatah ni 125 hna an thawh theih ngei na turin (guarantee) a la awm reng a, Thingtlang lam lo nei mite tan Kum khat ah State Sorkarin ni 60 thleng hna chawlhtir theihna thuneihna an nei bawk a ni. Hei hi lo neitute tan a tha em em a, ruahmanna tha tak hnuaiah thlamuang takin hna an thawk thei dawn a ni.
"Congress leh pawl dang (opposition) te hian he Scheme thar siam chhuah tak hi mipui te hnen ah thudik lo hmangin, an rinthuin mipui ah zirtirna diklo an lo nei a, he Scheme thar leh Hindu Sakhua hian in zawmna an nei lova, a hming awmzia pawh hi Opposition tan chuan zir tham a ni ngei ang. Chuvangin, MGNREGA aia mipui tan a changtlung zawk a Scheme thar Central Sorkar in India ram mipui, mirethei te tan min siam sak hi lawmthu sawi mawlh mawlh kan ba a, Mizoram mipui te pawn kan hlawkpui ngei a rinawm a ni," an ti bawk.
'VIKSIT BHARAT - ROJGAR AUR AAJEEVIKA MISSION (GRAMEEN): VB - G RAM G ADHINIYAM, 2025".
Delson Notlia, MDC, State G.S, Lalfakzuala Hauzel, State G.S, Pi Lalremsangi Fanai, State Jt Treasurer, Pi C Lalbiakkimi, State Secretary, Pu Lalmalsawma, State Kisan Morcha President.
Vawiin 13th January 2026, Tuesday ah hian keini BJP Mizoram State hruaitu te chuan, Central Sorkar in MGNREGA ni 100 inhlawhna kan tih chu changtlung zawk a siam that niin, Scheme thar a tan VB-G-RAM-G ni 125 inhlawhna a duang thar a chumi chungchanga Mizoram mipuite hriat tur pawimawh hrang hrangte vawiin ah hian Thuthar thehdarh tute kal tlanga puan kan duh a ni.
A hmasa ber ah chuan, Ni 100 inhlawhna MGNREGA hnuai a kalpui thin kha, tun a Scheme thar siam tak VB-G-RAM-G Scheme thar hian nikum kumtawp 15th December, 2025 khan thlak niin, he dan thar ah hi chuan ni 100 mai nilovin, Ni 125 inhlawhna, hnathawh theihna tur a duan ani ta hi a lawm awm em em a, Mirethei tam tak ten he Scheme kal tlanga inhlawhna tha tak kan hmuh theih dawn a vangin a lawm awm hle a ni.
Tuna VB-G-RAM-G Scheme chungchangah hian, mi thenkhat ten, Scheme zawng zawng hi Central-in a ruahman vek dawn tih dawt thuthang an theh darh a, nimahsela Gram Panchayat leh Gram Sabha te'n an khua leh tui hmasawnna tur chu an mahni ngeiin an ruahman anga, khaw chhungah hna eng ang nge thawh tur tih pawh anmahni'n an rel thei dawn a, ruahmanna siam chungchangah a mawhphurhtu lian tak chu Village Council (VC) - te an ni dawn a ni.
VB-G-RAM-G Scheme hnuaiah hian, hna thawh tur zatve (50%) aia tam chu Gram Panchayat (VC/VEC) kaltlangin direct-in thawh theih a ni dawn a. Hei hian khawchhung mi te tan hna a siam thei ang a, a takin Thingtlang khua ten hmasawnna an hmu thei dawn a ni. Tin, Gram Sabha leh Gram Panchayat ten a an khua/veng tana hmasawnna tur ruahmanna an siam tur ah ngaihpawimawh tak tak pali an pali (4) an thlang a, chungte chu:- tui dahkhawlna (water conservation), hmasawnna hna thawhna tur siamte, (infrastructure creation), eizawnna tihchakna (livelihood-oriented works), leh chhiat rupna lo thlen thulh a ruahmanna (disaster management) lo siam te hi a Focus tur pawimawh tak a ni. Tin, kan sawi tak hnuai atang hian, dil (ponds) laih te, tui check dams siam te, tui danna (stop dams) siamte, sikul leh damdawi in (hospitals) sakte, Anganwadi sakte, kawngpui siamte, tui luankawr (drains) siamte, Shed tur sak leh chhungkaw retheite leh hmeichhia te tan Self Help Group (SHG) member-te sum lakluhna tihpunna tur hna hrang hrang ruahman te pawh telh a ni bawk a, a funkim em em a ni.
He Scheme thar hian hlo thlawh leh buh seng hun laia lo neitu te tan remchanna a siam sak tha em em a, Kum khatah ni 125 hna an thawh theih ngei na turin (guarantee) a la awm reng a, Thingtlang lam lo nei mite tan Kum khat ah State Sorkarin ni 60 thleng hna chawlhtir theihna thuneihna an nei bawk a ni. Hei hi lonei tu te tan a tha em em a, ruahmanna tha tak hnuaiah thlamuang takin hna an thawk thei dawn a ni.
Congress leh pawl dang (opposition) te hian he Scheme thar siam chhuah tak hi mipui te hnen ah thudik lo hmangin, an rinthuin mipui ah zirtirna diklo an lo nei a, he Scheme thar leh Hindu Sakhua hian in zawmna an nei lova, a hming awmzia pawh hi Opposition tan chuan zir tham a ni ngei ang. Chuvangin, MGNREGA aia mipui tan a changtlung zawk a Scheme thar Central Sorkar in India ram mipui, mirethei te tan min siam sak hi lawmthu sawi mawlh mawlh kan ba a, Mizoram mipui te pawn kan hlawkpui ngei a rinawm a ni.
Issued by IT & Media Department BJP Mizoram Headquarters, Aizawl Mizoram.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: