ESI hi tuma'n an promote hran ka ti ve thei lo! Mimal taka 'Promoter' a neih hi ka hre ve tlat lo!

~ David Zawma

Zaithiam lar, "a thlawn mai maw," music video phei chu a hunlaia Mizoram nghawr nghing thei, lemchan khawvel luhcilh a, Mizo film hmuhnawm tak taka mikhual lo tak David Zawma chuan, Esther Hnamte chungchangah, "ESI hi tuma'n an promote hran ka ti ve thei lo! Mimal taka 'Promoter' a neih hi ka hre ve tlat lo!" a ti a, he a FB status hi amah zah tak chungin kan website-ah kan dah chhuak a ni.

A THUI MAITHEI.... Ka post ve duh tlat tawh!

Esther Hnamte vanga 'Promoter Award' lâ te an awm! A lawmawm ka ti! Ka rilru erawh a vâk thui hle thung. Amah duhsak ém ém tu te an ni tih erawh ka hai bil lo e.

College Vengah hian 2016 vel atangin ka awm a, ka fate tih loha 'PA' tia min ko hmasa ber tu ka tawng a, ka fanu ang maia ka en a ni a. A mawngek thlenga ka sil sak ve a ni. Zai a thiam tlat tih hi a nu in a hriaa, a hmalâkna thlâwp hmasa ber tu hi ka ni ve in ka hria!

Ka zai pui a, a hla record naah ka pui a, a music video shoot ka vil a! A boruak a alh chho a, mi tam tak anlo lang a, a hnaih hlek kha an vlogs loh leh thlalak an post chuai chuai thin. Ka post ve thin ngei mai!! Mi in 'A larna advantage-ah a la,' min tih kha ka hlau em em a, ka archive zui fâi ta vek nghe nghe a ni. A zai upload turin mi channel lian kan biaa, an upload thei lo a, ZORIMAWI hi a bul tan nan kan bia kha a nia!

Hindi hla sa châk thin ka ni a, zai lam background nei ve tho ka ni a. 'Yaaron' ka sak pui a, sum ka tum vek a. Nakin zela awm rengah ka duh a ni, comment section erawh ka en zui ngâi lo! Hate comment phei chu ka hmuh hlau in a nu hian a delete ngat ngat peih!

Bharat ki beti..... Tih hla a shoot laia, zing dar 5 chuanga, a pa nen kan chhuah vawk vawk te, kar 1 chuang zet kan buai te, 'Jana Gana Mana' a shoot dawn a, Hindi thiam ruaia kan buai zia te kha hrelo hi an tam ngawt ta ve ang. A nu hian min sawi chiam hi a duh fo, keichuan ka duh ngaaaai lo!

Building khata khawsa kan ni a, a lian ve tawh a, a sual chuan ka hau fawk fawk zel mai. A zaithiam tulh tulh a, a confi tawlh tawlh a. Keichuan kum 3/4 a nih laia a zai kha ngaihnawm ka ti bâng thei lo a, ka la ngaithla ngat ngat thin!!

'Ka fanu ang maia ka en a ni,' ti ve tu 3AR Commandant; Bejoy-a hi ka mitthlaah a lang fo thin. A ni pawh hi Esi promoter angah a in dah ngai lo a. 'Ka fanu tana ka tih tur a ni,' ti ve tlat kha a nia! ESI vanga chawimawina an dawng anih pawhin A nu leh pa..... Bakah Bejoy-a hming tal hi chu lo lam ri ve hrâm hrâm teh u.

ESI hi tuma'n an promote hran ka ti ve thei lo!! A nu leh pa te hmalakna kaltlanga 'Youtube platform' hmanga direct-a vawrh chhuah ve hi a ni tlat! A phénah media leh mi tam tak erawh an awm ngei e. Duhsaktu leh hmangaihtu pawh nasa takin an nei a, duhsaktute hmalakna hi sawi nép ka tum lo! Mimal taka 'Promoter' a neih hi ka hre ve tlat lo!

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]