Aizawl | Nov 7, 2025: MNF Legal Board Vice Chairman Lalpianfela Chawngthu chuan vawiin chhun dar 12 khan Aizawl Press Club-ah thuthar thehdarhtute kawmin, "ZPM sorkarin AR Biak In hmun dik lo taka chhuh luihsak tumin kawng hrang hrangin a bei mek," a ti.
Mizoram Presbyterian kohhran, Mizoram Synod-in kum tam tak chhung a lo enkawl tawh leh kum 38 lai kalta, 1987-a an kuta hlan tura sorkarin thutlukna a lo siam fel vek tawh, Assam Rifles Biak In hmun chu ZPM sorkarin dik lo taka chhuh luihsak tumin kawng hrang hrangin a bei mek.
Kumin 2025, May ni 5-a Chief Minister Pu Lalduhoma hova thukhawm, Aizawl khawpui chhunga Assam Rifles chhuahsan ram enkawl zui dan tur ngaihtuahtu thuneitu sang, ‘Advisory Committee on Assam Rifles Land Handed Over to the Government of Mizoram’ chuan Assam Rifles Kohhran Biak In hmun hi sorkar kuta a luh theih nan Synod dawrtu tur inruatin, Convener-ah Revenue Minister Pu B Lalchhanzova an ruat a. Biak In hmun, Land Lease No. DLL MISC 128 of 2011 Sorkara hlan tura ZPM sorkar ngenna chu Synod Officers Meeting chuan ngaihtuahin Synod Executive Committee-ah a thlen a. Synod Executive Committee vawi 313-na, June 25-27, 2025 thutkhawmah hian Assam Rifles Kohhran Biak In hmun hi kum 1950 hma lama Mizoram Bawrhsap-in Assam Rifles-a Mizo awmte Inkhawmna tura a lo pek tawh a nih thu te, he Biak In hmun hi Assam Rifles ram ni loin, ram awl, Biak In hmun atana pek liau liau a nih thute sawi lan a ni a. Tun dinhmunah he kohhran hi Assam Rifles ṭang laite chauh ni loin, Sipai bang leh an chhungte, Aizawl Veng hrang hranga awm darhte lawina a nih thu te, Assam Rifles-in an hmun chhuahsan mah se, Kohhran hi pangngai taka a la kal reng thu leh rauhsan a nih loh thu te, sakhuana serh leh sang engkim kalpui reng a la nih dan te pawh tarlan a ni a. Biak In hmun pek an nih dan zawng zawngte ngaihtuahin, Sorkara hlan chu a remchang loah an ngai a ni.
Hetianga Synod Executive Committee-in zai dawh taka ngaihdan a thlen chu ZPM sorkar chuan zahsak a hnekin, Biak In hmun hi ‘Assam Gazette Notification dated 8/8/1952’ leh ‘The Mizoram (Restriction on use of Transferred Land) Act, 2002’ hnuaiah rin luh ve ve nia sawiin, kum 2011-a Sorkarin Land Lease a lo pek pawh felhlel angin an sawisak ta a, hei bakah hian Central YMA in High Court-a PIL an theh luh-ah he Biak In Hmun hi a tel ve anga sawiin, ram buai, Court-a inchiah mêk angah a chhuahsak ta hlauh a, court thutlukna nghak turin Mizoram Synod pawh hriattir ni se, tiin thutlukna an siam zui leh ta zel a ni. He thutlukna mak tak hi kumin 2025, September 1 khan Mizoram sorkara GAD Principal Secretary chuan Synod Senior Executive Secretary hnenah ziaka hriattirin, chutah chuan High Court thu chhuak a awm hma chuan tu tan mah, he Biak In hmun ram neitu-a inchhal a rem loh thu tarlan a ni.
ZPM sorkar atanga lehkha an dawn an bawhzuinaah Synod Senior Executive Secretary chuan Central YMA hnenah kumin, 2025, October ni 14 khan lehkha thawnin, High Court-a PIL an thehluhah Assam Rifles Kohhran Biak In hmun ram a tel ve em tih a zawtfiah ta a, CYMA General Secretary chuan chhang nghalin, Court-a an thu thehluhah Aizawla Assam Rifles Kohhran Biak In hmun hi a tel ve loh thu fiah takin a hriattir let ve leh nghal a ni.
Hetianga ZPM Sorkarin thu dik lo nen lam, chhuanlam tur dapkhawm chawpa kohhran thlenga thupek khauh tak tak a pe duh zel te, Central YMA leh zel pawh thudik lova a puh tel duhte hian thin a tithawng tak zet a. AR kohhrana lawi mekte thlaphang leh thlabara siam tumna, sorkar thuneihna hmanga he Biak In hmun chhuh luih tumna hi a zahpuiawm takzet a ni.
Hetiang taka Kohhran hote aw pawh pawisa lova sorkar thuneihna hmanga chhuh luih an tum, Assam Rifles Biak In hmun hi ZPM sawrkar hian eng atan nge an tih? ZPM Party Office sakna atan an it hle nia sawi awm kha thudik a nih phei chuan behchhan mumal lo hmanga thuneihna hman khum tum kual lovin, Mizoram Synod hi tha taka dil mai turin MNF chuan thurawn kan pe a ni.
Assam Rifles Biak In hmun hi kum 1948 ah laih tan a niin. November ni 24, 1950-ah Rev Thanga, Dawrpui Bialtu Pastor-in a hawng niin hriat a ni. Kumin 2025, November ni 22 leh 23-a Platinum Jubilee lawm tura an inbuatsiahna kallai boruak tinuam lo zawng leh, Kohhrana lawi mekte ti mangang leh ti thlabar zawnga ZPM sorkar hmalakna hi MNF chuan demawm a ti a, Mizoram Synod hnena lehkha dengkhawng tak a lo pek tawh pawh Jubilee an lawm hma ngeia hnukkir leh vek turin ZPM sorkar kan phut a ni.
PRESS STATEMENT OF Lalpianfela Chawngthu
Vice Chairman, MNF Legal Board
Ni 7.11.2025 @ Aizawl Press Club
ZPM SORKAR HNUAIAH KOHHRANIN NEK LEH THUNEIHNA HMAN KHUM A TAWK MEK.
Mizoram Presbyterian kohhran, Mizoram Synod-in kum tam tak chhung a lo enkawl tawh leh kum 38 lai kalta, 1987-a an kuta hlan tura sorkarin thutlukna a lo siam fel vek tawh, Assam Rifles Biak In hmun chu ZPM sorkarin dik lo taka chhuh luihsak tumin kawng hrang hrangin a bei mek.
Kumin 2025, May ni 5-a Chief Minister Pu Lalduhoma hova thukhawm, Aizawl khawpui chhunga Assam Rifles chhuahsan ram enkawl zui dan tur ngaihtuahtu thuneitu sang, ‘Advisory Committee on Assam Rifles Land Handed Over to the Government of Mizoram’ chuan Assam Rifles Kohhran Biak In hmun hi sorkar kuta a luh theih nan Synod dawrtu tur inruatin, Convener-ah Revenue Minister Pu B Lalchhanzova an ruat a. Biak In hmun, Land Lease No. DLL MISC 128 of 2011 Sorkara hlan tura ZPM sorkar ngenna chu Synod Officers Meeting chuan ngaihtuahin Synod Executive Committee-ah a thlen a. Synod Executive Committee vawi 313-na, June 25-27, 2025 thutkhawmah hian Assam Rifles Kohhran Biak In hmun hi kum 1950 hma lama Mizoram Bawrhsap-in Assam Rifles-a Mizo awmte Inkhawmna tura a lo pek tawh a nih thu te, he Biak In hmun hi Assam Rifles ram ni loin, ram awl, Biak In hmun atana pek liau liau a nih thute sawi lan a ni a. Tun dinhmunah he kohhran hi Assam Rifles ṭang laite chauh ni loin, Sipai bang leh an chhungte, Aizawl Veng hrang hranga awm darhte lawina a nih thu te, Assam Rifles-in an hmun chhuahsan mah se, Kohhran hi pangngai taka a la kal reng thu leh rauhsan a nih loh thu te, sakhuana serh leh sang engkim kalpui reng a la nih dan te pawh tarlan a ni a. Biak In hmun pek an nih dan zawng zawngte ngaihtuahin, Sorkara hlan chu a remchang loah an ngai a ni.
Hetianga Synod Executive Committee-in zai dawh taka ngaihdan a thlen chu ZPM sorkar chuan zahsak a hnekin, Biak In hmun hi ‘Assam Gazette Notification dated 8/8/1952’ leh ‘The Mizoram (Restriction on use of Transferred Land) Act, 2002’ hnuaiah rin luh ve ve nia sawiin, kum 2011-a Sorkarin Land Lease a lo pek pawh felhlel angin an sawisak ta a, hei bakah hian Central YMA in High Court-a PIL an theh luh-ah he Biak In Hmun hi a tel ve anga sawiin, ram buai, Court-a inchiah mêk angah a chhuahsak ta hlauh a, court thutlukna nghak turin Mizoram Synod pawh hriattir ni se, tiin thutlukna an siam zui leh ta zel a ni. He thutlukna mak tak hi kumin 2025, September 1 khan Mizoram sorkara GAD Principal Secretary chuan Synod Senior Executive Secretary hnenah ziaka hriattirin, chutah chuan High Court thu chhuak a awm hma chuan tu tan mah, he Biak In hmun ram neitu-a inchhal a rem loh thu tarlan a ni.
ZPM sorkar atanga lehkha an dawn an bawhzuinaah Synod Senior Executive Secretary chuan Central YMA hnenah kumin, 2025, October ni 14 khan lehkha thawnin, High Court-a PIL an thehluhah Assam Rifles Kohhran Biak In hmun ram a tel ve em tih a zawtfiah ta a, CYMA General Secretary chuan chhang nghalin, Court-a an thu thehluhah Aizawla Assam Rifles Kohhran Biak In hmun hi a tel ve loh thu fiah takin a hriattir let ve leh nghal a ni.
Hetianga ZPM Sorkarin thu dik lo nen lam, chhuanlam tur dapkhawm chawpa kohhran thlenga thupek khauh tak tak a pe duh zel te, Central YMA leh zel pawh thudik lova a puh tel duhte hian thin a tithawng tak zet a. AR kohhrana lawi mekte thlaphang leh thlabara siam tumna, sorkar thuneihna hmanga he Biak In hmun chhuh luih tumna hi a zahpuiawm takzet a ni.
Hetiang taka Kohhran hote aw pawh pawisa lova sorkar thuneihna hmanga chhuh luih an tum, Assam Rifles Biak In hmun hi ZPM sawrkar hian eng atan nge an tih? ZPM Party Office sakna atan an it hle nia sawi awm kha thudik a nih phei chuan behchhan mumal lo hmanga thuneihna hman khum tum kual lovin, Mizoram Synod hi tha taka dil mai turin MNF chuan thurawn kan pe a ni.
Assam Rifles Biak In hmun hi kum 1948 ah laih tan a niin. November ni 24, 1950-ah Rev Thanga, Dawrpui Bialtu Pastor-in a hawng niin hriat a ni. Kumin 2025, November ni 22 leh 23-a Platinum Jubilee lawm tura an inbuatsiahna kallai boruak tinuam lo zawng leh, Kohhrana lawi mekte ti mangang leh ti thlabar zawnga ZPM sorkar hmalakna hi MNF chuan demawm a ti a, Mizoram Synod hnena lehkha dengkhawng tak a lo pek tawh pawh Jubilee an lawm hma ngeia hnukkir leh vek turin ZPM sorkar kan phut a ni.
Issued by: MNF Publicity Board, MNF General Headquarters, Aizawl, Mizoram.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: