Aizawl | Nov 8, 2025: UCO Bank chuan Nov 4 khan Aizawl Municipal Corporation (AMC) hnenah Corporate Social Responsibility (CSR) atangin chhiatna thlen thulha hman tur Emergency Response Vehicle an hlan.
UCO Bank hian ERV atan hian Mahindra Bolero Camper leh a body siam danglamna tur sum leh hmanrua (equipment) thahnem tak cheng nuai 15 man hu AMC a hlan a ni.
Emergency Response Vehicle inhlanna hun hi Mayor Office Chamber-ah neih a ni a. AMC aiawhin Aizawl Mayor Lalrinenga Sailo in thilpek hi a dawng a, Deputy Mayor R Thanglura, Executive Corporator Lalringliana, Joint Municipal Commissioner Lalremruata Kullai leh officer dang ten an tawiawm a. UCO Bank aiawhin Head Office Kolkata-a DGM Alok, Agartala Zone Zonal Head AGM Sanjeev Roy, Aizawl Branch Chief Manager Gautam Das leh Ṭhuampui Branch Manager Chin Zapau Ngaihte ten thilpek hi an hlan a ni.
Aizawl Mayor Lalrinenga Sailo chuan, AMC hmalakna te a hlawhtlinna tura UCO Bank-in Motor leh hmanrua tha tak tak AMC an pe chu a lawm thu sawi a, Aizawl mipui tan tangkai taka hman a nih dawn thu a sawi a, UCO Bank nen thawhhona tha tak an nei chu a lawm thu a sawi a ni.
AMC Board of Corporators meeting-in Emergency Response Team din tura a lo pawm tawh angin AMC chu Aizawl khawpuiah chhiatna hrang hrang a thlenin AMC hminga a tul anga thawk chhuak thei turin hma a la mek a. Disaster Response Squad nei ve tura hma lain Zotrek te nen thawh hona a siam tawh bawk.
UCO Bank hi India rama public sector bank 12 zinga pakhat niin, an headquarters hi Kolkata a ni a, Zonal Office 43 neiin Branch 3000 chuang an nei a. India ram mai bakah Singapore leh Hongkong ah te an inzarpharh a ni.
UCO Bank hian 1970 khan Mizoramah office an din tan a, Branch 3 neiin - Dawrpui Veng, Aizawl, Thuampui Veng (AMC Office Opposite) , Aizawl leh Vairengteah te an hawng a ni.
UCO Bank hian Home loan, Car loan, Education loan leh Retail leh Agriculture loans hrang hrang te interest rate tha takin an pe chhuak thin a, instant digital loan pawh cheng nuai 25 thleng an pechhuak thei a, fixed deposite pawh interest tha takin an an kalpui mek a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: