Nazareth Lalthazuala'n One Championship-ah second 16 chhungin Japanese fighter a knock-out!

Aizawl | Nov 28, 2025: Mizo zinga One Championship-a tel thei hmasa ber, Nazareth Lalthazuala chuan he inelnaa a tel hmasak berah Japanese fighter chu second 16 chhung lekin a knock-out nghal.

Sports Minister Lalnghinglova Hmar chuan, "Mizo zinga ONE Championship-a tel thei hmasa ber, Zemabawk tlangval Nazareth Lalthazuala’n hnehna chang a Mizote bung thar min kaipui hi ka lawmpuiin ka chhuang takzet a ni," tiin Facebook-ah post a siam a ni.

Bangkok, Thailand-a ONE Friday Fight 135 ah ‘Naza’ hian Strawweight category (kg 52.2 to kg 56.7) ah khelin, he inelnaa a inlan hmasak berah hian Japanese fighter Masaki Suzuki chu second 16 chhung lekin a knock-out a ni.

Nazareth Lalthazuala hi State MMA champion 3x, National MMA champion 3x leh Mizoram Fight League Flyweight champion a ni a. Pro MMA ah hian 6-0 record a nei ta a ni.