Aizawl | Nov 7, 2025: Dampa Bial Bye-Election MNF Campaign Kharna hun chu vawiin khan Silsury Playground ah ropui takin hman a ni. He hun hmanpuitu Dr R Lalthangliana chuan thusawiin, "MNF in Mizoram chhunga cheng hnam hrang hrangte hi tumah a en hrang ngai lova. MNF Sorkar hnuaiah Mizoram chhunga hnam tlem zawkte an him zawk bawk. Mizoram Chief Minister berin hnam leh hnam inkara inhmuh thiam lohna thlen thei thu dik tawklo Silsury mipuite hmaah a sawi kha a pawi hle a. MNF leh India inremna thuthlungah pawh hnam tlem zawkte humhimna tur a chuang vek a, kan Chief Minister in a hrelo hi thil mak tak a ni," a ti.
Dr Thangtea chuan, "Thlan tlin ka nih chuan kum 2026 ah State Level Biju Festival ropui tak Silsury khawpuiah hian kan buatsaih ang," a ti a. "Dampa bial leh Silsury khua ngei pawhin an sawi tam ber leh an mamawh em em Health Sector lama harsatna an tawh mekte sukiang turin Bial chhunga Health Dept. Staff indaih lohna hi phuhruk dan ngaihtuah a ni ang a, Nurse leh Health Worker awm lohnaah Fund hmangin emaw, kawng dangin emaw kan ngaihtuah nghal ang," a ti bawk.
"Mamit District a awm kan ni a, Aspirational District kan nih mekna hi hmang ṭangkaiin Dampa Bial chhungah hian kawng hrang hrangin hmasawnna (development) hailuh kan tum a, hei hi kan sawi satliah lova, a theih dan kawng kan hria a, chak taka hmalak kan tum tlat a ni," Dr R Lalthangliana chuan a ti.
MNF Official Candidate Dr R Lalthangliana chuan, "Dampa bial hmasawnna tura Manifesto kan siamte leh bial hmasawnna tura hmachhawp kan neih hrang hrangte hi ka tihhlawhtlin ngei theih nan leh Dampa bial hmasawnna tura hna ka thawh theih nan khawngaih taka min lo vote tling turin kan ngen takmeuh a che u," tiin Dampa bial mipuite a sawm thar leh a ni.
Campaign Kharna inkhawmah hian MNF GHQ aṭangin PAC C Lalramzauva, Adviser te- Robert Romawia Royte, Rosik Mohan Chakma leh Prova Chakma, GS te Er R Rohmingliana leh Er H Lalzirliana, MNF Sub-Hqrs., Lunglei President Vanlalhmuaka, leh MNF hruaitu dangten an hmanpui a. MNF South Block Joint Secretary Uttam Kumar Chakma chuan a kaihruai a ni.
Mizo National Front
General Headquarters
Mizoram : Aizawl
Press Release
SILSURY AH MNF CAMPAIGN KHARNA HUN ROPUI TAKA HMAN A NI
"MNF in Mizoram chhunga cheng hnam hrang hrangte hi tumah a en hrang ngai lo"
Dr. R. Lalthangliana
Sr. Vice President
MNF Official Candidate
Vawiin November ni 07, 2025 (Zirtawpni) hian Dampa Bial Bye-Election MNF Campaign Kharna hun chu Silsury Playground ah ropui takin hman a ni. He hun hmanpuitu Dr. R. Lalthangliana chuan thusawiin, "MNF in Mizoram chhunga cheng hnam hrang hrangte hi tumah a en hrang ngai lova. MNF Sorkar hnuaiah Mizoram chhunga hnam tlem zawkte an him zawk bawk. Mizoram Chief Minister berin hnam leh hnam inkara inhmuh thiam lohna thlen thei thu dik tawklo Silsury mipuite hmaah a sawi kha a pawi hle a. MNF leh India inremna thuthlungah pawh hnam tlem zawkte humhimna tur a chuang vek a, kan Chief Minister in a hrelo hi thil mak tak a ni," a ti.
Dr. Thangtea chuan, "Thlan tlin ka nih chuan kum 2026 ah State Level Biju Festival ropui tak Silsury khawpuiah hian kan buatsaih ang," a ti a. "Dampa bial leh Silsury khua ngei pawhin an sawi tam ber leh an mamawh em em Health Sector lama harsatna an tawh mekte sukiang turin Bial chhunga Health Dept. Staff indaih lohna hi phuhruk dan ngaihtuah a ni ang a, Nurse leh Health Worker awm lohnaah Fund hmangin emaw, kawng dangin emaw kan ngaihtuah nghal ang," a ti bawk.
"Mamit District a awm kan ni a, Aspirational District kan nih mekna hi hmang ṭangkaiin Dampa Bial chhungah hian kawng hrang hrangin hmasawnna (development) hailuh kan tum a, hei hi kan sawi satliah lova, a theih dan kawng kan hria a, chak taka hmalak kan tum tlat a ni, "Dr. R. Lalthangliana chuan a ti.
MNF Official Candidate Dr. R. Lalthangliana chuan, "Dampa bial hmasawnna tura Manifesto kan siamte leh bial hmasawnna tura hmachhawp kan neih hrang hrangte hi ka tihhlawhtlin ngei theih nan leh Dampa bial hmasawnna tura hna ka thawh theih nan khawngaih taka min lo vote tling turin kan ngen takmeuh a che u," tiin Dampa bial mipuite a sawm thar leh a ni.
Campaign Kharna inkhawmah hian MNF GHQ aṭangin Pu C. Lalramzauva, PAC, Pu Robert Romawia Royte, Adviser; Pu Rosik Mohan Chakma, Adviser; Pi Prova Chakma, Adviser; Er. R. Rohmingliana, GS; Er. H. Lalzirliana, GS; Pu Vanlalhmuaka, President, MNF Sub-Hqrs., Lunglei leh MNF hruaitu dangten an hmanpui a. Pu Uttam Kumar Chakma, Jt. Secy., MNF South Block chuan a kaihruai a ni.
Sd/-
(LALZAWMLIANA)
Joint Secretary
Media & Publicity Department
Mizo National Front
Memo No. 376/2025
Dt.07.11.2025
Post a Comment
He post chungchanga i ngaihdan lo sawi ve rawh: