Aizawl | Nov 19, 2025: Hyderabad a inkhuar Yashoda Hospitals chuan Mizo mipuite insengso lo zawnga damdawilama an inenkawl theih nan Mizoram Universal Healthcare Scheme (MUHCS) an zawm.
Vawiin khan Aizawl Press Club-a thuthar thehdarhtute kawmin, Yashoda Hospitals hotute chuan Mizoram mipuiten khawvel el pha hriselna lama inenkawlna ṭha an dawn ve theihna turin Mizoram Universal Healthcare Scheme (MUHCS) nen an thawk ho tih an sawi a, he thawhhona hnuaiah hian MUHCS kaltlanga Yashoda Hospitals, Hyderabad a inentir te chuan cashless leh a thlawnin inenkawlna an dawng theih dawn a. Mizorama chengte tan Scheme hrang hrang: Mizorama sorkar hnathawk mek leh an chhungte tan kum khatah unlimited, Pensioner leh an chhungkaw tan kum 1 ah cheng nuai 12 leh General Category (GC) a awm chhungkua te chu kum 1 ah cheng nuai 85 te a huam a, hei bakah hian abika inenkawlna Specialist Care: Cardiology, Oncology, Neurology, Nephrology, Pulmonology, Gastro Surgery, Orthopaedics, leh department thar tha tak tak te a huam bawk a ni.
Yashoda Hospitals chuan MUHCS a zawm atanga thla hmasa ber chhungin damlo atangin bepawp tu mi 200 chuang an dawng a, tunah hian Yashoda hospital chuan cancer enkawlna atana hmanraw tha MR-Linac hmangin Mizoram atanga damloenkawl hmasa ber turin a inbuatsaih mek a, cheng nuai 8 senso tur chu MUHCS hnuaiah a thlawna enkawl a ni dawn a ni.
Hei bakah hian Yashoda Hospitals chuan Mizoram atanga damlo kalte tan Airport atanga Damdawi in thleng in lam leh in thlah, damlo enkawl chhung zawnga puitu tur te a ngaihtuahdak thei dawn a, hei bakah hian Yashoda Hospital a damlo inenkawl te follow-up na tur Aizawlah OPD an hawng bawk a ni.
Yashoda Group of Hospitals, Hyderabad-ah hian Somajiguda, Secunderabad, Malakpet leh Hitech khawpuiah independent hospital 4 a awm a, damlo enkawlna tur khum 4000 a nei a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: