LADC inthlana Dispatch and Receiving Team te training buatsaih

Lawngtlai | Nov 22, 2025: Lai Autonomous District Council (LADC) hnuaia 12th Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan Dispatch and Receiving Team - ten DRDO Conference Hall-ah Training -an nei a. District Election Officer (DEO) Donny Lalruatsanga, chuan a hmanpui.

Donny Lalruatsanga chuan inthlanna fel fai leh thianghlim nei turin mawhphurhna hrang hrang nei ten theihtawp chhuah a tul hle a ti a. A bik takin Official - ten tihsual nei lo tura fimkhur a pawimawh hle a ni, a ti. Dispatch and Receiving Team - te an pawimawhin, mawhphurhna lian tak an nei tiin, tha taka an hna hlen turin a chah a. DEO chuan tihsual awm lo tura tha taka training nei tur a chahin, duhsakna a hlan nghal bawk.

Vawiin training- ah hian Dispatch and Receiving Team-te mawhphurhna hrang hrang, tih tur leh tih loh tur, hriat tur pawimawh leh tul dangte inzirtirna hun hman a ni a. Master Trainer Gilbert Lalhlimpuia leh Election Officer Collin Hlychho - te chuan training- hi an pe a ni.