"Congress te hian ramro kan siam thin a, MNF lo lanin an ti chingpen thin. Infrastructure dintu – Congress, tichhetu – MNF, dehral hlir ngaihtuahtu

Aizawl | Nov 18, 2025: Mizoram Pradesh Congress Committee (MPCC) PAC member leh Ex MLA TT Zothansanga chuan vawiin khan Aizawl Press Club-ah thuthar thehdarhtute kawmin, "Congress te hian ramro kan siam thin a, MNF lo lanin an ti chingpen thin. Infrastructure dintu – Congress, tichhetu – MNF, dehral hlir ngaihtuahtu - ZPM te kan awm," a ti.

SMALL HYDEL PROJECT 7-8 OURSOURCE TUR CHUNGCHANG

PRESS CONFERENCE

- TT Zothansanga, Ex MLA, PAC

Vawina kan Press Conference tur hi Small Hydel Project 8 zet kan sorkarin outsource a tum chungchang a ni. Kan sorkar hotuten kan Hydel Project 8 zet Feb 13, 2025 khan outsource turin thutlukna an siam a, kan ram leh mipui tan a pawi em avangin vawinah hian kan sawi ho ang a, a hmasain Mizorama Hydel Projects ka lo neih tawhte lo thlir hmasa ila.

Sl. No. HEP Hming Bul tan hun Zawh hun Sorkar Power siam zat

1 Serlui ‘A’ HEP 1982 24.04.1984 PC Party 1 MW

2 Khawiva HEP 1983 08.12.1988 PC Party 1.05 MW

3 Tuirivang HEP 1985 14.08.1989 Congress 3 MW

4 Tuipui HEP 1988 15.12.1991 Congress 0.5MW

5 Maicham I 1989 05.01.1996 Congress 2 MW

6 Teirei HEP 1994 12.10.1999 Congress 3 MW

7 Tuipanglui 1992 17.12.2004 Congress 3 MW

8 Kau Tlabung 1994 05.05.2005 Congress 3 MW

9 Lamsial MHP 1999 26.08.2008 MNF 0.5 MW

10 Maicham - II MHP 2001 11.11.2009 MNF 3 MW

11 Serlui ‘B’ MHP 2003 30.04.2010 MNF 12 MW

12 Tuirial Hydel Project

(Tuirial Crop Compensation

claimed, 2004)

1998 25.08.2017 Congress 60 MW

13 Tlawva Hydel Project

(NORTECH)

2012 11.08.2022 Congress 5 MW

14 Kawlbem Mini HP 2014 15.12.2022 Congress 4 MW

Total : 101.05 MW

Total Power Generated : 101.05 MW 1

1. Congress Party = 83.05 MW / Rorel chhung = Kum 22

2. PC Party = 2.05 MW / Rorel chhung = kum 5

3. MNF Party = 15.5 MW / Rorel chhung = kum 17

A chunga tarlan hi Mizoramin Power kan lo siam chhuah tawhte a ni a, tun sorkar hi chuan Power lamah hnu hma an la neilo a ni. Kan Power Minister in MW 38 chauh kan la siam chhuak anga a sawi chu a dik zan lo deuh a ni(Vanglaini Nov.13, 2024).

Outsource tura tih thenkhat te lo thlir zui ila.

A. Kum 10 chhunga Serlui ‘B’ SHP dinhmun

Year Thawhchhuah Senso Hlawkna %

2014-15 9,11,92,200/- 2,61,20,034 6,50,72,166 71.36%

2015-16 5,11,90,800/- 3,74,66,139 1,37,24,661 26.81%

2016-17 20,31,35,800/- 4,15,83,765 16,15,52,035 79.53%

2017-18 22,60,05,000/- 4,92,45,228 17,67,59,772 78.21%

2018-19 13,37,63,900/- 7,30,33,579 6,07,30,321 45.40%

2019-20 20,61,88,500/- 7,60,13,861 13,01,74,639 63.13%

2020-21 7,05,13,000/- 4,98,09,510 2,07,03,490 29.26%

2021-22 6,43,50,000/- 6,87,71,262 - 44,21,262 -6.87%

2022-23 6,84,60,300/- 5,33,39,496 1,51,20,804 22.09%

2023-24 18,05,98,500/- 3,86,14,533 14,19,83,967 78.62%

Total 1,29,53,98,000/- 51,39,97,407 78,14,00,593 60.32%

Hei hi kum 10 chhunga Serlui B Small Hydel Project dinhmun a ni a, Mizoram Sorkar hian hlawkna a tel char char a ni.

Kum 10 chhung thar chhuah – Rs. 1,29,53,98,000/-

-do- Senso - Rs. 51,39,97,407/-

-do- Sorkar hlep - Rs. 78,14,00,593/-

Kum 2023-24 (Kum 1 dinhmun) ZPM hun

Hmuh zawng zawng - Rs. 18,05,98,500/-

Senso zawng zawng - Rs. 3,86,14,533/-

Help zawng zawng - Rs. 14,19,83,967/- (78.61%)

Kundan Green Pvt Ltd hnenah kum 25 chhung outsource tum a ni a, Kumtin power thar chhuah atanga 32% sorkarin a dawng ang a, a bak 68% chu Kundan atang hian sorkarin a lei let leh ang.

Kum 2023-24 angin chhut leh ila

Kum 1 thar chhuah zat - Rs. 18,05,98,500/-

Sorkar chan tur(32%) - Rs. 5,77,91,520/-

Kundan Kum 1 hlawkna - Rs. 12,28,06,980/-

Kundan Kum 25 hlawkna Rs. 3,07,01,74,500/- (32%XKum 25) hi Mizoramin kum 25 chhunga a lost a ni thung.

Hei hi kan Serlui B dinhmun diktak a ni a, heti chunga outsource kan duh tlat hi mak tak a ni. Kan hotute hian hlawkna an tel ve ta mai emaw tih awl tak a ni. Tunhma mnf hun hmasa lam ang a, “50% profit wil come to me” tih ang em kha chu ni lo turah ngai ila, eirukna pawh awm lo turah ngai phawt ang.

Unstarred Question No.438( dt.20.3.2025) - Serlui B Mini Hydel Project hi Mizoram sorkarin thuam that tumna a nei em? Ttih Minister chhanna chu – Serlui B Small Hydel Project hi thuamthat tura hma chhawp mek a ni” tih a ni., Feb thlaa Cabinet decision ni tawh si, hetia thuam that tur anga in chhan hi Assembly pawh a zahawm hle. A nihna hi tlang taka sawi mai tur a ni a.

Unstarred Question 517 (dt.20.3.2025) - Tun sorkar hian tun aia (Serlui B) changtlung zawk theih nana hma a lak dan kimchang takin min hrilh thei em? - Minister : “Serlui B dinhmun enfiah a zir chiang turin Engineer 6 awmna Inspection team a din a, ni 23.7.2024 khan Serlui B dinhmun zir chiang tura tirh an ni a. Heng zawng zawng siam tha tur hian Rough Estimate ang chuan Rs. Vbc 12 chuang lai a ngaih dawn avangin sorkar sum dinhmunte thlir chungin sorkarin a tul angina hma a la mek zel a ni.” Tiin a a chhang a, hetiang hi chu SASCI ( 957.37 cr) atang khan han thehchhuak mai se, outsource ngailo thei mai tur hi a ni a.

Maicham Phase – I SHP( 2 MW)

Year Thawhchhuah Senso Hlawkna %

2014-15 1,03,79,600/- 53,07,182 50,72,418 48.87%

2015-16 1,15,53,600/- 53,27,881 62,25,719 53.89%

2016-17 1,61,26,800/- 63,75,139 96,51,661 60.22%

2017-18 1,43,13,000/- 62,05,335 81,07,665 56.65%

2018-19 54,38,300/- 56,70,480 -2,32,180 -4.27%

2019-20 65,91,900/- 63,31,770 2,60,130 3.95%

Total 6,43,02,200/- 3,52,17,787 2,90,85,413 45.23%

NB: 2018-19 hi Covid hluar lai, rampum harsatna thlen vang a ni. Maicham Phase I ah pawh hian hlawkna chu kan hmu. Covid period lai tih lohah hi chuan hlawkna pawh sorkarin kan tel mawlh mawlh hle mai a, kan thawhchhuah atanga senso paih hnuah hian kan la chhe lo a ni.

Kum 6 chhunga thawhchhuah – Rs. 6,43,03,200/-

-do- Senral - Rs. 3,52,17,787/-

-do- Hlawkna zawng - Rs. 2,90,85,413/- (45.23%) zet a ni

Covid lai tello phei chuan hei ai hian a hlawkna rate hi sang tak a ni.

Kum 1 hlawkna (average) Rs. 48,47,569/-

85% (Kundan chan) Rs. 41,20,434/-

15% (Mizoram chan) Rs. 7,27,135/-

25yrs hlawkna zawng zawng - Rs. 12,11,89,225/-

85% (Kundan chan) - Rs. 10,30,10,841/-

15% (Mizoram chan)- Rs. 1,81,78,384/-

(Kumtin Rs.41,20,434 Mizoramin lost in, Kum 25 chhunga kan lost tur chu Rs.10,30,10,841/- (85% X Kum 25) a ni a, Mizoram in kum 25 chhunga kan chan ve tur chu Rs.1,81,78,384/- a ni ta a ni.

Kundan Green Pvt. Ltd te hian he Project atang hian 15% chauh Mizoram min pe dawn a, a bak 85% chu anmahni chan tur a ni.

Kan hriat tel ngei tur chu Kundan te nen hian inremna ang hian kal pawh ni ila, 85% kan lei let tur hi aman an ti pung ngei ngei dawn a, Mizoram Sorkar ta a nih laia kan senso aiin a tam hle dawn tih a chiang hle a ni.

Maicham Phase – II SHP(3.00 MW)

Kum 2018 – 2024 chhunga kan dinhmun tlangpui lo thlir leh ila.

Year Thawhchhuah Senso Hlawkna %

2018-19 60,78,100/- 58,22,560 2,55,540 4.20%

2019-20 - 40,74,500 -40,74,500 -100%

2020-21 75,50,500/- 40,80,440 35,70,060 46.65%

2021-22 1,44,33,788/- 41,27,212 73,06,576 56.65%

2022-23 1,36,66,645/- 41,75,855 94,90,790 73.48%

2023-24 92,20,879/- 68,18,920 24,01,959 57.49%

Total 5,09,49,912/- 2,90,99,487 2,18,50,425 42.88%

Kum 2023-24 ang hian han chhut ta ila

Hlawkna Rs. 24,01,959/-

85% (Kundan) - Rs. 20,41,665/-

15% (Mizoram)- Rs. 3,60,294/-

25 years hlawkna - Rs. 6,00,48,975/-

85% (Kundan) – Rs. 5,10,41,629/-

15% (Mizoram) - Rs. 90.07,346/-

Kumtin Mizoramin Rs.20,41,665/- lost in, kum 25 chhunga kan lost tur chu Rs.5,10,41,629/- a ni.

Hetah pawh hian kan chhe lo, hlawkna chu kan la nei tho a ni. He project ah hian 15% chauh kan sorkar in a chang leh dawn a, a bak zawng 85% chu agreement siamin, Kundan Pvt Ltd hnen atangin kan lei let leh dawn a, leina man tur pawh an duh angina an tisang leh hle ang tih hi thil hretute rindan a ni.

Oct 25, 2024 khan Congress Bhavanah MPCC President Pu Lal Thanzara chuan kan Chief Ministerin sumdawng hausa Kundan Green Pvt.Ltd atanga inleng a neih thu sawiin, Congress, Mnf leh PC ten mini hydel project kan siam chu kan sorkarin Kundan Green Pvt Ltd enkawl tura ruahman a nih te, power siam chhuah thenkhat sorkar a min pe leta, a bak chu sorkarin lei tura agreement a sign hnaih thu a sawi a ni.

Nov 5, 2024 Aizawl Post tarlan angin Hydel project tenauho outsource chu ZPM in policy anga hmalak a ni a, kan P&E Minister sawi danin, heng hydel project atan hian kumtinin Rs Vbc 7-8 vel thawktu hlawh atana hman thin niin, thawktu indaihloh vangin heng hi an outsource chuan, heta thawktute hi hmundangah an hmang thei ang a, maintenance atan kumtin Vbc tel hman thin chu hum theih a ni dawn a, kumtin sum tam tak huma lakluh theih a beisei thu a sawi.

Nov 8,2024 ah Pu Lal Thanzara, MPCC President chuan, “An hlan duh loh phah ring chunga a hmaa ka lo sawi tawh,Small and Mini Hydel Project chu hlep nei reng chung leh dept in an ui em em chungin, CM hian a duh tlat avangin Vai mi hausa hnenah an outsource dawn” tih a sawi leh a. Serlui B chungchang bik a sawi naah, “Serlui hian Megawat 12 a pe chhuak thei a, kum 10 chhungin Rs.129,53,98,000/- a thawk chhuak thei a, a enkawlna senso chu Rs.51,39,97,407/- niin a hlep pawh Rs.78,14,000,592/- a ni. Heti chung hian vai mi hausa hnena outsource an tum chhan hi hriat a chak awm hle” a ti.

Kan CM phei chuan “Pheichham kan man a ni ngawt a” a ti (March 20, 2025 Assembly Session, P&E Demand sawihonaah). Heti khawpa sorkarin a hlawkpui ni si, kan han outsource lui hram duh rawh hi chu, mak ve tak a ni, Nge pheichham chu an lo man tak tak dawn? Dept hotuten an hre chiang a, an ui em em tih sawiin, “Heng SHP ten hlep an neih dan an thehlut thlap chungin, CM in outsource/hlan a duh tlat nia a hriat thu a sawi. Thawktute pawh engtinnge an awm zel dawn tih pawh ngaihtuah tham a ni,” tiin a sawi. Tunah hian thawktute hi mi 40-50 vel an awm nia hriat a ni.

Heng bakah hian a hnuaia mite hi Kundan Green Pvt Ltd hnena out source tum a ni

a) Tuipangpui SHP 3MW, Tuipang

b) Tlawva SHP 5MW,Lunglei

c) Serlui A SHP 1 MW.Aizawl

d) Tuipui SHP .05 MW, Champhai

Kan Power Minister in – NE State Power Minister thutkhawmnaa a lo thlen tawh, “Development of Small Hydel Project 2014 a tih tawp tak chu NE States ten an hlawhtlinpui tawh thin a, NE a P&E Minister zawng zawngin he policy hi tih nun leh an duh a, an nghakhlel hle a ni” tia a sawi pawh Aizawl Post 14.11.2024 ah kan hmu a ni.

Hetiang kan Minister in a sawi lai a, kan neih sa SHP te dehral tum zawnga engatinge hma a lak tak mai, kan neihsa hi kan hlawkpui nia kan hriat laia outsource a tum hi engatinge tih kan zawt a ni. Minister hian, “Intodelh turin hma kan la” Nov.5,2024) a ti a, powera intodelh tumnaah kan style in kan khel ang (Nov.1`0,2024) a ti bawk a, a dekral zawng hian em ni intodelh kan tum tih hi kan zawt a ni. Power hi MNF ten compensation zawngin an lo hlawkpui tawh thin a, ZPM hian level sang takin an hlawkpui ve mai ang em? tih hi kan zawhna a ni.

Kan hriat danin Kan sorkar hian kum 2024 tir lamah chungchangah inleng, Kundan Green Pvt Ltd an nei a, anni hian kum 2024 April thla vel khan, heng Hydel Projects te hi an lo survey vek tawh a, inhlan thei dinhmunah an din laiin kan MPCC President hian a sawi chhuak ta si a, inhlan mai ngam ta lovin, mawi hnai taka kalpui zel a nih theih nan, competitive bidding awm thei turin, Kundan Green Pvt Ltd te hi tinzawn chungin tender te pawh an chhuah leh hnuhnawh niin kan hria a, he thil hi chu kan ram leh hnam tana thil pawi thei tak a nih avang hian kan sorkar hian kaltlang pui lo hram se tih hi kan duhdan leh ngenna a ni.

Tuna tender chhuah hi chu Restricted tender ang, chhang duhtu leh survey vek tawhtute kawk rana tender hi chhuah a ni a, Restricted / tender pangngai pawh nise kan Small Hydel Project te hi tihral loh hrim hrim nise tih hi kan ram thatpui tur zawk nia ngaiin kan sawrkar hotute hian outsource lo hram se tih hi MPCC chuan kan ngen a ni.

Congress te hian ramro kan siam thin a, MNF lo lanin an ti chingpen thin. Tuirial Hydel Project, Referral Hospital leh Airport ahte a lang. ZPM an rawn lang a, Cabinet Meeting hmasa ber Dec 13, 2023 ah Lengpui Airport leh ZMC dehral an tum nghal a, a hnuah Tourist Lodge, Chaltlang te, Jordan Centre, Sethawn te, tunah SHP 7 te outsource an han tum leh ta a. Infrastructure dintu – Congress, tichhetu – MNF, dehral hlir ngaihtuahtu ZPM te kan awm a, Hawh u, kan neihsa te hi chu humhimin i hralh lo hram ang u, tih hi sorkar kan ngenna a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]