CM hovin Thenzawl Peace City huam chhunga Greenfield City proposal siam mek thlirho

Aizawl | Nov 26, 2025: Core Committee on Thenzawl Peace City te chu an Chairman Lalduhoma, Chief Minister hovin Vawiin khan CM Conference Hall-ah an thukhawm a. Thenzawl Peace City huam chhunga Greenfield City proposal siam mek an thlirho.

Urban Development and Poverty Alleviation Department (UD&PA) Secretary Lalmalsawma Pachuau chuan SASCI ah hian Urban Planning Reforms hnuaiah tinzawn bik neia (thematic) Greenfield City kalpui theihna component Rs.150 Crore vel hmuh theihna a awm a, inelna (on challenge mode) atanga hmuh tur a ni. Thenzawl Peace City huam chhunga Tourism leh AH & Vety Department ramte behchhanin he fund hmuh theihna tur Greenfield City proposal hi duan a ni ta a ni, tiin meeting koh a nih chhan a sawifiah hmasa a ni.

Thenzawl Peace City Master Plan siamtu tura thlan IPE Global mi thiamten Greenfield City proposal hi a lem nena entirin chipchiar takin an sawifiah a. An ruahmanna siam hi Core Committee hian a pawmsak a, Ministry of Housing & Urban Affairs ah thehluh a ni ang.

Thenzawl Peace City Master Plan hi IPE Global ten chak takin an buaipui mek a ni.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]