"Natna khirh khan kan tawh pawh a kan thlamuanpui ber te chu nurse-te hi in ni a. In tawngkam khat lek pawh hi dam lo tan chuan damna tling a ni thin,"

Speech of Speaker Lalbiakzama @ – The 21st TNAI Biennial Conference @ Auditorium, College of Nursing, Synod Hospital, Durtlang.

Date : 17/10/2025

Tihdam rawng bawl hna thawktute kianga, hun kan hmang thei hi lawmawm ka ti hle mai a. Kan ramin hun khirh tak (Covid-19) laia a hmachhawn lai a tih dam rawng bawl hna in thawh dan ziahna (Doral Hlimthla) kan han tlangzarh te kha a hlu hle mai. Natna khirh khan kan tawh pawh a kan thlamuanpui ber te chu nurse-te hi in ni a. In tawngkam khat lek pawh hi dam lo tan chuan damna tling a ni thin a ni.

Nurse-te hi in hna thawh hi a ropuiin a hlu hle mai a, TNAI (The Trained Nurses Association of India) member atanga Doctorate degree (Dr. C. Lalramdini, Asst. Professor, College of Nursing, RIPANS leh Dr. Laltanpuii, Tutor, College of Nursing) nei thei hial khawpa mi taima in han awm te hi a hlu ka tiin a ropui ka ti hle mai. Tin, hna thawh that vanga chawimawina sang dawng Florence Nightingale Award dawng thei mi 17 lai in han awm tawh te hi a ropuiin Mizoram tan mellung pawimawh tak a ni. Hei, vawiinah pawh Pi V. Lalhmangaihi chawimawi tur kan han nei te hi a ropui ka ti hle mai. Keima Ni ngei Pi Vanhnuaithangi (Pi Vani) pawhin kum 2015 khan he chawimawina hi a lo dawng ve tawh bawk a ni.

Nurse-te hi ram danga hna thawh kawngah pawh Mizoram tana sulsutu in ni a, Ram danga hna thawka kal te hian kan ram leh chhungkaw sum leh pai din hmun chawi sang thei khawpin hlawh pawh an nei tha a, tunah hian a hming hmerh pawn han sawi ta ila, Lalruatkimi Hmar, the Netherlands hmuna nurse hna tha wk mek chu Mizoram a officer pay sang ber ai pawn a hlawh tam zawk ni a sawi ani. Chutih mek laiin ram danga nurse hna thawka awm mekte pawh, Mizoram ti hmingtha a, ti hmingchhe theitu pawh in ni a. Fimkhur leh zuala nun hmang turin ka chah duh che u a ni.

Kan Nurse te kut chu tidamtu kut lo ni fo se, mi tan malsawmna ni zel tur leh chhungkaw tana innghahna tlak ni chhunzawm zel tur a tan la sauh sauh turin ka chah duh che u a ni.