Aizawl | Oct 13, 2025: Fundamental Baptist Church of Mizoram (FBCM) Inkhawmpui, General Assembly vawi 44-na, October ni 9 - 12, 2025 chhunga Cherhlun Kohhrana nghah chu nizan khan a tiak a, inkhawmpui-ah hian hruaitu thar an thlang.
He Inkhawmpuiah hian rorel leh kohhran mipui puala inkhawm buatsaihin hun hman a ni a. FBCM Kohhran, Mizoram hmun hrang hrang atangin palai an kal tha hle a ni.
October 10, 2025 khan nilengin rorel a ni a. Kum 2025 - 2026 chhunga Kohhran hruaitu tur an thlang nghal a, Hruaitu tharte hi nizan khan Cherhlun Bialtu - Pastor Rorengpuia chuan Pathian hnenah hlanin tawngtaisakna hun a hmang a ni.
Inkhawmpui chhung hian thupui atan, 'I pianna ramah kir leh rawh,' tih hmangin thusawi tura ruat Pastor leh upate - Rev F Zanawla, Rev Pahlira Chhangte, Pastor Laltleipuia Hmar, Rev Lalpanliana, New Testament Baptist Church Association (NTBCA) Executive Secretary Rev Thangkhanlal Hangluah leh Assembly Chairman Upa Lalnuntluanga Zote ten Pathian thuchah an puang a ni.
Inkhawm hrang hrangah hian zaipawl leh mal zaia Pathian fak hla kohhran hrang hrang atangin ngaihthlak thin a ni bawk.
Pathianni chawhnuah Lalpa Zanriah inkhawm buatsaih niin Executive Secretary Rev Lalnunsiama Khiangte-in hun a hmang a. Urhsun takin kohhranhoten an chang tlang a ni.
He Inkhawmpui hi Chhandamna Kohhran, Mizoram leh New Testament Baptist Church Association (NTBCA), Manipur atangin kohhran hruaitu leh kohhran aiawh thahnem takin an telpui a. Chhandamna Kohhran President Upa Dr H Lianzela leh NTBCA Executive Secretary Rev Thangkhanlal Hangluah ten thu an sawi.
FBCM hian Assam leh Tripura-ah te Mission Field neiin, Khawzawlah ruihhlo leh thil dang avanga harsatna nei enkawlna hmun Grace Camping Centre an kalpui mek a ni.
Chairman: Upa Lalnuntluanga Zote
Chairman (Elect): Upa Dr F Lalfamkima
Treasurer: Upa H Sapvenga
Finance Secretary: Upa Lalbiaknia
Statistician: Upa H Vanlalhruaia
Executive Secretary: Rev Lalnunsiama Khiangte
Secretary, E&M: Rev Lalpanliana
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: